Zertteuşılerdıŋ sözınşe, elde dıni ahual kürdelı. Oblysta destruktivtı dıni aǧym jaqtauşylardyŋ sany 33,5% ösıp ketken. Tıptı, jat aǧymnyŋ nasihatyn tūraqty tyŋdaǧandardyŋ arasynda polisiia qyzmetkerlerı de bar, dep habarlaidy “Adyrna” ūlttyq portaly Azattyq Rýhy saityna sılteme jasap.
Zertteuşılerdıŋ sözınşe, elde dıni ahual kürdelı. Oblysta destruktivtı dıni aǧym jaqtauşylardyŋ sany 33,5% ösıp ketken. Tıptı, jat aǧymnyŋ nasihatyn tūraqty tyŋdaǧandardyŋ arasynda polisiia qyzmetkerlerı de bar. Dıni nasihatty jasyryn jürgızetınder köbıne äleumettık jelılerdı paidalanady.
«Taldau barysynda 16 memqyzmetkerdıŋ, qūqyq qorǧau organdarynyŋ 5 qyzmetkerınıŋ, 10 dıni qyzmetkerdıŋ, 100-ge juyq studenttıŋ destruktivtı kontent qoldanatyny anyqtalyp, mamandar tarapynan tiıstı tüsındıru şaralary jüzege asyryldy. Jalpy, Almaty oblysynda «Dıni ekstremizm men terrorizmnıŋ aldyn alu» baǧytynda jūmystar jürgızılıp keledı. Nätije jaman emes, degenmen terıs aǧymnyŋ jetegınde ketkendermen kürestı bır sätke toqtatuǧa bolmaidy», - dedı «Dın salasyndaǧy mäselelerdı zerteu ortalyq» KMM-yŋ direktordyŋ orynbasary Saǧynyş Janabai.
Aimaqtyŋ dıni ahualyna jedel monitoring jürgızu maqsatynda «Analitikalyq İnternet karta» baǧdarlamasy ıske qosylǧan. Destruktivtı dıni toptarǧa tırkeluşıler «Vkontakte» jelısı arqyly uaǧyz tyŋdaidy. Atalmyş toptardyŋ qataryn qoǧamda öz ornyn taba almaǧan azamattar men dıni sauaty qalyptaspaǧan jastar tolyqtyryp keledı. Oblysta destruktivtı dıni aǧymdardyŋ taralu oşaqtary Qarasai, Eŋbekşıqazaq, Panfilov, Ile jäne Jambyl men Talǧar audandarynda ornalasqan.
«İslam mädenietı men örkenietınıŋ temırqazyǧynyŋ ainalasyna köleŋke tüsıretınder soŋǧy jyldary qaptady. Ol dınnıŋ atyn jamylǧan – ekstremistık aǧymdar. Säikesınşe, eldegı dıni ahual kürdelenıp tūrǧan jaiy bar. Ötken jyly Jetısu jerınde 1 millionnan astam adamdy qamtyǧan 2 896 şara ötken. Basty maqsat – öŋırde halyqtyŋ dıntanulyq sauattylyǧyn arttyru men tūrǧyndardy dıni ekstremizm men terrorizm ideialarynan alşaqtatu. Baǧdarlamanyŋ kömegımen dıni aǧymdardyŋ taraluyna, internette destruktivtı toptardyŋ tırkeluşılerıne monitoring jürgızılude. Degenmen, atqarylǧan jūmystarǧa qaramastan, ötken jylmen salystyrǧanda öŋırdegı DDA jaqtastarynyŋ sany 33,5%-ǧa ösıp otyr. Öŋırdegı dıni ahualdyŋ kürdelenuıne Almaty qalasynyŋ oblys şegınde ornalasuy jäne halyqtyŋ tyǧyz qonystanuy äser etude», - dedı zertteu ortalyǧynyŋ ökılı.
“Adyrna” ūlttyq portaly
