QR Prezidentı Qasym-Jomart-Kemelūlyna; QR Parlamentı mäjılısınıŋ deputattaryna; QR Sybailas jemqorlyqqa qarsy küres agenttıgınıŋ töraǧasyna.
Estitın memlekettıŋ joǧary lauazymyndaǧy basşylary! Bız jaqtaǧy jūrtyŋyzdyŋ zaryna qūlaq türıŋızder!
Qazyǧūrt audany, Altyntöbe auyly okrugınıŋ jerlerın "Türkıstan" äleumettık käsıpkerlık korporasiiasy özınıŋ jeke menşıgıne alyp alǧan. Būl korporasiia QR "Jer Kodeksıne" de qaramaidy, prezident qoiǧan moratoriige de qaramaidy eken. Būl korporasiiany qorǧaityn memlekettıŋ zaŋy da, mehanizimı de joq. Zaŋ jobasy Parlamentten ötpegen de. Sondyqtan da SPK (sosialnaia predprinimatelskaia korporasiia) zaŋsyz qūrylym bolyp sanalady. Zaŋsyz qūrylym halyqtyŋ berekesın ūşyryp keleı. Zaŋsyz qūrylym bolǧandyqtan onyŋ halyqtyŋ mülkın, memlekettıŋ mülkın menşıktep aluyna qūqy joq. Qazır auyl azamattarynda ne jer joq, ne jūmys joq, ne käsıp joq. Ne subsidiia ala almaidy, ne jasaǧan biznes jobasy öte bermeidı. Özderıŋız jaqsy bılesızder, barlyq jerde biurokratiia jailaǧan. Qaǧazbastylyqtan köz sürınedı. Auyldaǧy azamattar tünde bärı köşelerdı jaǧalap, araq ışıp, karta oinap, uaqyttaryn bos ötkızedı. Jūmyssyzdyq azdyryp, tozdyryp jatyr auyl jastaryn. Üi salaiyn dese taǧy jerı joq. Jas otbasylar jan-jaqqa qaŋǧyryp ketıp jatyr. Käsıp jasaiyn dese, jerı joq. Korporasiiamen auyz jalasqan lobbistter jerdı halyqqa qaitaruǧa qarsy qolynan kelgenınıŋ bärın jasap baǧuda. Jergılıkt memlekettık atqaruşy organdar halyqtyŋ jersız qaluyna basyn da qatyrmaidy. Tıptı şeşıp beruge qūlqy joq. Äkımdıkke, korporasiiaǧa jerım dep azamattar million ret bardy. Äkımdıktermen auyl jalasqannyŋ bärı jerdı özderıne menşıktep, jalǧan qojaiyn bolyp otyr. Mıne, "Türkıstan" äleumettık käsıpkerlık korporasiiasynyŋ halyqqa tigızıp otyrǧan paidasy osyndai. "Türkıstan"äleumettık käsıpkerlık korporasiiasyna Türkıstan oblysynyŋ äkımdıgı qūryltaişy. Zaŋsyz qūrylymdy jıbermei ūstap otyruy üşın oblys äkımdıgın qūryltaişy etıp otyr ma sonda? Eŋ soraqysy - halyqtyŋ jerı osy uaqytqa deiın 4 mekemege ötıp keldı. Onyŋ atyn da, zatyn da halyq bılmeidı. Kımder ekenınen habary joq. Eldıŋ basy qatyp ketken. Sondyqtan būl mäselenı memlekettık deŋgeide köterıp, halyqtyŋ qūqyn qorǧaiyq. Osy üşın jūmys ıstep jatyrmyz. Audannyŋ jer qatynastary basqarmasynyŋ bızge bergen qūjatynda Altyntöbe auyly okrugınıŋ jer kölemı 16523 gektar bolsa, Qazyǧūrt audany äkımınıŋ 2010 jylǧy 16 säuırde jerdı "Oŋtüstık" äleumettık käsıpkerlık korporasisy ūlttyq kompaniiasy aksionerlık qoǧamyna berıp jıbergen № 153 qaulysynda jer kölemı 15935 bolyp qalǧan. Al, qazırgı "Türkıstan" äleumettık käsıpkerlık korporasiiasynda Altyntöbe auyly okrugınıŋ jer kölemı 15301 gektar bolyp tūr. Jerdı äkımşılıkpen auyz jalasandar bölısıp, halyqqa körsetpei zaŋsyz memlekettık aktıler jasap jatyr. 30 jyl boiy qūqy taptalǧan, müddesı qorǧalmaǧan halyqtyŋ qūqyn Qazyǧūrt audanynyŋ äkımı Arman Abdullaev qorǧaityn türı joq. Arman kerısınşe, halyqqa qarsy bırdeŋelerdı aityp jatyr. Äkım halqyna äkım bolyp, jerın alyp berıp, qūqyn qorǧamasa, ol nesıne otyr!? Osynyŋ bärın ıske asyru äkımnıŋ halyq aldyndaǧy abyroily mındetı men qasiettı paryzy emes pe!? Oǧan arnaiy maqala şyǧaramyn. Arman, menen jauap kütıŋız! Men özımnıŋ barlyq jūmysymdy toqtattym. Tek osy halyqtyŋ jerınıŋ halyqtyŋ özıne qaituymen ainalysamyn. Būl halyqtyŋ 30 jyl boiy jerı bolmai, qūqy taptalyp keldı. Eşbır qūzyrly organ halyqtyŋ müddesın eskerer emes. Kerısınşe, azamattaryn sottatyp, jerıŋdı auzyŋa alma dep otyr. Bızge qoldau jasaŋyzdar! Būl jaǧdai bızde ǧana emes, Qazaqstan Respublikasynyŋ barlyq öŋırınde bar."Adyrna" ūlttyq portaly
