Almaty, Almaty jäne Qyzylorda oblystary ŪQKD lauazymdy tūlǧalary eş äreket etpedı. Būl turaly arnaiy prokurorlar qyzmetınıŋ bastyǧy Rizabek Ojarov mälımdedı, dep habarlaidy "Adyrna" ūlttyq portaly tengrinews.kz-ke sılteme jasap.
"Almaty, Almaty jäne Qyzylorda oblystary ŪQKD lauazymdy tūlǧalary eş äreket etpedı. Qūqyq qorǧau organdarynyŋ keibır basşylary qūqyqtyq tärtıptı qamtamasyz etuge arnalǧan arnaiy bölımşelerdıŋ ıs-äreketterın ädeiı būǧattady degen nūsqany qarastyryp jatyrmyz", - dedı Ojarov OKQ brifingınde.Būl derekter boiynşa arnaiy prokurorlar sotqa deiıngı tergeu jürgızıp jatyr.
"Sonymen bırge, ūlttyq qauıpsızdık komitetı memleketke opasyzdyq jasau jäne bilıktı küşpen basyp alu äreketı turaly qylmystyq ısterdı tergep jatyr. Bügınde ŪQK-nıŋ būrynǧy töraǧasy men onyŋ ekı orynbasary qamauǧa alyndy. Bilıktı asyra paidalandy degen küdıkpen ŪQK "A" arnaiy maqsattaǧy qyzmetı direktorynyŋ bırınşı orynbasary jäne osy qyzmet ortalyǧynyŋ bastyǧy ūstaldy. Qylmystyq ıske "öte qūpiia" belgısı berılgen, sondyqtan ūlttyq qauıpsızdık müddesınde tergeudıŋ män-jaiyn aşuǧa bolmaidy", - dep tolyqtyrdy arnaiy prokurorlar qyzmetınıŋ bastyǧy.
"Adyrna" ūlttyq portaly
