"Qazaqstan halqyna" qoryna 13 myŋnan astam ötınış tüsken. Jalpy, bügınde Qorda 115 milliard teŋgeden astam qarajat jinaqtalǧan. Qor qyzmetkerlerı qazaqstandyqtardyŋ qandai maqsatta aqşa böludı sūraityndary jaily aitty, dep habarlaidy “Adyrna” ūlttyq portaly Stan.kz saityna sılteme jasap.
Qazaqstandyqtar Qazaqstanhalqyna.kz saity arqyly ötınış bere alady, qazırge deiın qorǧa 13 myŋnan astam ötınış tüsken. Arasynda otbasylyq jäne merekelık şaraǧa aqşa sūraǧandar da bar."Sait pen äleumettık jelıdegı messendjerlerge üi, kölık satyp alu, kredit jäne basqa da qarjylyq zaimdar boiynşa mındettemelerdı töleu, otbasylyq ıs-şaralar men merekelık şaralardyŋ qarajatyn öteu turaly ötınışter älı de tüsıp jatyr", - delıngen aqparatta."Qazaqstan halqyna" qory azamattardyŋ qarjylyq mäselesı boluy mümkın ekenın tüsınetının jetkızdı. Alaida onyŋ barlyǧyn qor şeşe almaidy. Sebebı qordyŋ bekıtılgen tūjyrymdamasyna säikes qarjy säbilerge medisinalyq qyzmet körsetudı damytuǧa jäne onyŋ qoljetımdı boluyn arttyruǧa, sport jäne bılım beru nysandary men balalarǧa arnalǧan basqa da äleumettık maŋyzy bar qyzmetterge jūmsalady. Sondai-aq qor mügedek, nauqas balany asyrap alǧan, qamqorlyq nemese patronattyq tärbienı ūiymdastyrǧan otbasylarǧa kömek körsetumen ainalysady. Qazaqstannyŋ aumaq tūtastyǧy men qauıpsızdıgın qorǧau nemese adamdardyŋ ömırın saqtap qalu jäne zardap şekken tūrǧyndarǧa kömek körsetu kezınde qaitys bolǧan nemese auyr jaraqat alǧan qūqyq qorǧau organdary, arnaiy organdar, ŪQK qyzmetkerlerınıŋ otbasylaryna, äskeri qyzmetşılerıne, tötenşe jaǧdailar kezınde zardap şekken adamdarǧa qoldau körsetedı.
