Aqmola oblysy, Şortandy audany, Prigorodnyi auyldyq okrugınıŋ äkımı Natalia Pistriuga Jaŋa jyl keşınde auyl jastaryn klubtan beiädep sözder aityp, quyp şyqqan. Būl turaly Orda.kz jazdy.
Jaŋa Jyl keşınde Natalia Leonidovna klubtyŋ esıgın aşyp berıp, tärtıptı qadaǧalau maqsatynda öz qyzyn qaldyryp, özı tuystaryna ketken. «Ol qonaqqa ketken edı, sol jaqtan öte naşar köŋıl-küimen oraldy. Jastardy özı arandatty. Bızdıŋ auyl tūrǧyndary sabyrly, anandai beiädep sözder aitylǧan sätte aşuly adamdar bolsa sol jerde bolaryn bılmeimın. Būl öz auyldastaryna degen osyndai qatynastyŋ alǧaşqysy emes. Atalmyş oqiǧadan keiın ony jazalaǧan joq. Būl ädılettı me? Basqa memlekettık qyzmetkerlerdı Qazaqstanda bırden jūmystan şyǧaryp jatady ǧoi. Al būl bolsa odan ärı basqa şyǧuda», – deidı auyl tūrǧyny.
https://www.youtube.com/watch?v=4OnQeBm6DAI
Natalia Pistriuga Orda.kz basylymyna bergen pıkırınde auyl tūrǧyndaryna tıl tigızgenı üşın keşırım sūraǧan.
«Auyl tūrǧyndarynyŋ ötınışı boiynşa men klubty aşyp berıp, qyzymdy tärtıptı qadaǧalasyn dep qaldyryp kettım. Özım üige ketıp qaldym. Bır sätte klub jaqtan aiǧai-şudy estıdım. Jügırıp barsam ışınde töbeles bolyp jatyr, qan-josa bolypty. Men olarǧa ūrsyp, olardy ajyrata bastadym, sebebı bızdıŋ tärtıp saqşymyz 18 şaqyrym jerdegı auylda tūrady. Men barlyǧyn quyp şyqqym keldı. Sol sätte menıŋ basymda tek qana bır oi boldy, ol auyl tūrǧyndary arasynda tragediiany boldyrmau edı.Olar bır-bırın öltırıp tastaityn edı», – deidı Pistriuga.
"Adyrna" ūlttyq portaly
