Endı taŋdau döŋgelegı arqyly konfliktterdı boldyrmauǧa bolady. Osyndai şeşımdı Taldyqorǧan qalasyndaǧy Nazarbaev Ziiatkerlık mektebınıŋ 3-synyp oquşysy Eva Karapetians ūsynyp otyr.
Joba XVII Respublikalyq «Zerde» ǧylymi-zertteu jūmystary men şyǧarmaşylyq jobalar baiqauynda ūsynyldy. Baiqau Burabai audany, Şuchinsk qalasyndaǧy «Baldäuren» respublikalyq ǧylymi-praktikalyq ortalyǧynyŋ bazasynda öttı.
Būl model oiyn-sauyq kvest türınde balalar arasyndaǧy janjaldy jaǧdaidy joiuǧa mümkındık beredı. Önım synyptastardyŋ pıkırın eskere otyryp jasalyp, olardyŋ qoldauyna ie boldy.
Taŋdau döŋgelegı 7 bölıkke bölıngen şeŋber. Är bölıkte dostyq ızdenısı dep atalatyn qaqtyǧysty şeşu nūsqasy körsetılgen. Döŋgelekke jebe bekıtılgen, ol döŋgelektı ainaldyru kezınde şeşımdı kezdeisoq anyqtaidy. Būl janjaldy jaǧdaidy oiynǧa ainaldyrudyŋ öte qyzyqty täsılı bolyp tabylady, – deidı jas zertteuşı Eva.Respublikalyq «Zerde» baiqauynda 4-synyp oquşysy Eraly Şäkerbek te ǧylymi joba qorǧady. Eraly banan qabyǧy siiaqty taǧam qaldyqtarynan biologiialyq ydyraityn polimerler aluǧa bolatynyn däleldedı. Himiia pänınıŋ mūǧalımı Qarlyǧaş Qūdaibergenovanyŋ jetekşılıgımen Eraly prosessterdıŋ ärtürlı kombinasiialarymen bırneşe täjıribeler jürgızılıp, onyŋ barysynda ekı aiǧa jetpei ydyraityn naǧyz bioplastik aldy.
Bızdıŋ mektep ashanasynda aiyna orta eseppen 8 myŋnan astam banan jelınedı. Qorşaǧan ortanyŋ lastanuyn azaitamyz desek, «jasyl» himiia salasynda igı joldy bastau maŋyzdy, men banannyŋ qosalqy önımınen alynatyn bioplasttardy şyǧaratyn zauyt saludy ūsynamyn. Jaŋa material şyn mänınde dästürlı plastiktı almastyra alady. Özderıŋız bıletındei, plastikalyq lastanu adamzattyŋ özektı mäselelerınıŋ bırı, - dep Eraly Şäkerbek sūhbatyn tüiındedı.«Zerde» qorytyndysy boiynşa Taldyqorǧan qalasyndaǧy Zitiakerlık mektebınıŋ oquşylary Eraly Şäkerbek pen Eva Karapetianstyŋ ǧylymi jobalary 1-oryndy jeŋıp aldy.
