Qasym-Jomart Toqaev Qarjylyq monitoring agenttıgınıŋ töraǧasy Janat Elimanovpen kezdesude zaŋsyz iemdelgen aktivterdı, sonyŋ ışınde şetelden ızdeuge basa män beru qajet ekenın, sondai-aq olardy Qazaqstanǧa qaitaru jūmystaryn jandandyru kerektıgın aitty, dep habarlaidy "Adyrna" ūlttyq portaly Aqordanyŋ resmi saityna sılteme jasap.
Vedomstvo kapitaldy zaŋsyz şyǧaruǧa jol bermeu maqsatynda qarjy retteuşılerımen bırlesıp, kümändı transşekaralyq audarymdarǧa küşeitılgen monitoring jasau ısın jolǧa qoiǧan.
Qasym-Jomart Toqaevqa biyl toqtatylǧan küdıktı operasiialardyŋ sany 3 eseden asqany jäne olardyŋ jalpy qūny 150 mlrd teŋgege juyq ekenı baiandaldy. Osy derekter boiynşa tekseru şaralary jürgızılıp jatyr. Agenttıktıŋ mälımetı boiynşa şetelge aqşa qarajatyn şyǧarudyŋ kürt köbeigenı baiqalmaidy. Kerısınşe biyl şetelge audarylǧan qarjy 30 paiyzǧa azaiǧan.
Janat Elimanovtyŋ aituynşa, müddelı organdarmen bırlesıp, qolma-qol valiutany zaŋsyz şyǧaruǧa baqylau küşeitılgen. Jalpy somasy 5 million AQŞ dollaryna juyq zaŋ būzuşylyq anyqtalǧan. Sonymen qatar Qazaqstan-qytai şekarasynda tekseru jūmystary jürgızılıp jatyr. Üş aptanyŋ ışınde tauardy zaŋsyz äkelu faktılerı boiynşa 8 qylmystyq jäne 24 äkımşılık ıs qozǧaldy.
Kezdesu qorytyndysy boiynşa Memleket basşysy köleŋkelı ekonomikaǧa qarsy küresu üşın Agenttık töraǧasyna tiıstı şaralar qabyldau jönınde tapsyrma berdı. Prezident zaŋsyz iemdelgen aktivterdı, sonyŋ ışınde şetelden ızdeuge basa män beru qajet ekenın, sondai-aq olardy Qazaqstanǧa qaitaru jūmystaryn jandandyru kerektıgın aitty. Būl jūmystardyŋ bärı tūlǧanyŋ kım ekenıne jäne lauazymyna qaramai jürgızıluge tiıs.
"Adyrna" ūlttyq portaly
