Qazırgı künı äleumettık jelı kündelıktı ömırımızde ne bolyp jatqanyn anyq körsetetın aina syŋaily. El azamattary qoǧamda oryn alǧan kez kelgen oqiǧaǧa qatysty öz oiyn, pıkırın aşyq bıldıruge daǧdylandy.
Mäselen, jaqynda ǧana eks-prezidenttıŋ ülken qyzy Dariǧa Nazarbaevanyŋ deputattyq mandatyn tapsyruy turaly mäsele kötergen belgılı saiasattanuşy, mäjılıs deputaty Aidos Sarymnyŋ bastamasy da jelıdegı qoldanuşylardyŋ nazarynan tys qalmapty, dep habarlaidy “Adyrna” ūlttyq portaly “Jas Alaş” basylymyna sılteme jasap.
– Ötken aptada nūrotandyq deputat Aidos Sarym erekşe közge tüstı, – dep jazdy äleumettık jelıdegı paraqşasynda belgılı jurnalist Aidar Ermekov. – Elımızde oryn alǧan özgerısterden keiın onyŋ ruhtanǧany sonşalyq, būryn közge elestetuge de mümkın bolmaityn, Dariǧa Nazarbaevaǧa qarsy oiyn aşyq aitypty, – deidı jurnalist. Sarym: – «Nazarbaeva deputattyq ökılettıgın öz erkımen tapsyruǧa tiıs, öitkenı, onyŋ tegı iaǧni, aty-jönı Qazaqstanda qalyptasqan avtoritarlyq jüiemen bailanystyrylady» deptı.Endeşe, aiypqa būiyrmaŋyz, deputat myrza, sonda sız, özıŋız müşesı bolyp tabylatyn jäne sonyŋ arqasynda parlamentke ötken «Nūr Otan» partiiasyn sol jüiemen bailanystyrǧyŋyz kelmei me? Būl partiianyŋ kımnıŋ tuyndysy ekenı barşaǧa belgılı ǧoi. Endeşe, sızge de adal adam retınde deputattyq mandattan bas tartu kerek şyǧar.
“Adyrna” ūlttyq portaly
