Kez-kelgen örkeniettı qoǧamda mümkındıgı şekteulı azamattarǧa kömek beru adamgerşılıktıŋ körsetkışı, mūnymen daulasa almaimyz. Bıraq ökınışke orai, mümkındıgı şekteulı azamattardyŋ jaǧdaiyn paidalanyp, jeke müddesınde qoldanyp jürgender de joq emes.
QR «Sybailas jemqorlyqqa qarsy ıs-qimyl turaly» zaŋy aiasynda qoǧamdyq ındetpen küreste azamattar men qoǧamdyq bırlestıkterdıŋ qatysuy qamtamassyz etılgen. Sybailas jemqorlyqpen kürestıŋ tiımdılıgın arttyru, paraqorlyqqa itermeleitın alǧyşarttardyŋ aldyn alu, adal eŋbek jäne ädıldıktı qamtamassyz etu maqsatynda qūrylǧan «Ädıldık joly» qoǧamdyq bırlestıgınıŋ Türkıstan qalalyq filialynyŋ goszakup.gov.kz portalyn baqylau barysynda memlekettık qarjyny tiımsız igergen memlekettık organdar jiı kezdesıp jatady. Kezektı monitoring barysynda anyqtalǧandai, 2019 jyly 19 säuırde Türkıstan oblysy jūmyspen qamtudy üilestıru jäne äleumettık baǧdarlamalary jönındegı basqarmasy men «Kögerşın» mügedekter qoǧamdyq bırlestıgı arasynda zaǧiptarǧa arnalǧan arnaiy tehnikany satyp aluǧa qatysty kelısım-şart jasalǧan https://goszakup.gov.kz/ru/egzcontract/cpublic/show/7774296.
Atalmyş kelısım-şart negızınde «orta synyp» dep körsetılgen 306 noutbuk, operasiialyq jüie, teksttık redaksiiaǧa arnalǧan baǧdarlama, jäne zaǧip qoldanuşylarǧa kömektesetın arnaiy baǧdarlamamen bırge är danasyn 703 450 teŋgege alǧan. Jalpy qūny 215 255 700 teŋge bolǧan būl 306 noutbuktardyŋ tehnikalyq sipatamasyn zerdeleu arqyly naryqtaǧy baǧasyn anyqtadyq.
Tehnikalyq sipattamasynda körsetılgen «Ekran 15,6 diuim kem emes, Prosessor 2-h iadrodan kem emes, jedel jad 2 Gb, qatqyl disk HDD 500 Gb kem emes, symsyz bailanys WiFi, 2-den kem emes USB jalǧaǧyştary» erekşelıkke sai keler nautbukty taba almadyq. Bıraq barlyq jaǧynan sai keletın, tek jedel jady 2 Gb emes, odan ekı ese myqty, iaǧni 4 Gb tehnikany taptyq. Baǧasy qosymşa qūn salyǧymen qosa eseptegende 151 551 teŋge https://itmag.kz/catalog/noutbuki/12413-noutbuk-acer-a315-34-nx-he3er-003/ . Belgelı marketpleisterde Windows Pro operasiialyq jüiesı 90 200 teŋge, Microsoft Office 2016 Home and Business 72 500 teŋge, «dybys sintizatory» baǧdarlamasynyŋ qūny 41 700 teŋge. Är noutbukke atalmyş baǧdarlamalardy ornatu qyzmetınıŋ Türkıstandaǧy qūny 2000 teŋge. Tasymaldauǧa jäne basqa da maida şyǧyndardy qosa eseptegende är noutbukke 5000 teŋge dep esepteiık.
Qarapaiym matematikalyq esepteumen: 151 551 tg + 90 200 tg + 72 500 tg + 41 700 tg + 2000 tg + 5000 tg = 362 951 teŋge. Iаǧni Türkıstan oblysy jūmyspen qamtudy üilestıru jäne äleumettık baǧdarlamalary jönındegı basqarmasy tarapynan satyp alynǧan noutbuktardyŋ naryqtaǧy qūny 703 450 teŋge emes, 362 951 teŋge. Al 306 noutbuktyŋ qūny 215 255 700 teŋge emes, 111 063 006 teŋge bolu kerek. Memlekettık organnyŋ şyǧyny men naryqtaǧy baǧa körsetkışterınıŋ aiyrmaşylyǧy 104 192 694 teŋge. Ärine, bız naqty qandai tehnika jäne qandai baǧdarlamalardy alǧanyn bılmegendıkten naqty şyǧyndardy da aita almaimyz. Bıraq qūjattarda körsetılgen tehnikalyq sipattamalarǧa qarai otyryp, naryqtaǧy baǧalardy eseptegende 104 192 694 teŋge şyǧyp otyr.
Mūny «jemqorlyq» dep atai alamyz ba? Būl sūraqqa arnaiy organdar jauap bere jatar. Bıraq memlekettık qarjyny tiımsız igergenı aidan anyq. Anyqtalǧan faktterge qatysty «Ädıldık joly» RQB Türkıstan qalasy filialy arnaiy organdarǧa hat joldady. Aldaǧy uaqytta būl mäselege qatysty jäne basqa da monitoring qorytyndylarymen sızdermen bölısetın bolamyz.
«Ädıldık joly» RQB Türkıstan q. Filial jetekşısı Amangeldı Qalybek
