Osydan 60 jyldai uaqyt būryn özı ırgesın qalaǧan sol kezdegı Jambyl gidromeliorasiia-qūrylys institutynyŋ jaŋa oqu korpusyndaǧy Jastar saraiy bügınde akademik Mar Ürkımbaevtyŋ esımımen atalatyny jūrtqa mälım. Bügın M.H.Dulati atyndaǧy Taraz öŋırlık universitetınıŋ «Gidrokeşenınde» Memleket jäne qoǧam qairatkerı, tehnika ǧylymdarynyŋ doktory, professor, halyqaralyq jäne ūlttyq injenerlık akademiiasynyŋ akademigı Mars Ürkımbaevqa arnalǧan memorialdyq taqta aşyldy.
Būl – bılım men ǧylym jolynda ölşeusız eŋbek etıp, jastardyŋ keleşegı üşın batyl qadamdarǧa barǧan azamatqa degen eldıŋ qūrmetı. İgı ıske ūiytqy bolǧan M.H.Dulati atyndaǧy Taraz öŋırlık universitetınıŋ basşylyǧy osylaişa öskeleŋ ūrpaqqa önege körsetıp otyr.
Eskertkış taqtanyŋ aşylu räsımıne oblys äkımınıŋ orynbasary Däulet Kärıbek, universitettıŋ basqarma töraǧasy-rektory Talǧat Eşenqūlov qatysty. Däulet Jamaubaiūly bügıngı igı ıs-şaranyŋ öŋırımız üşın tarihi sät bolyp qalatynyn atap ötıp, joǧary bılım beru ısın damytyp, ǧylymnyŋ örısteuıne jol aşqan, türlı salada basşylyq qyzmetter atqaryp, el ekonomikasyn damytuǧa üles qosqan tūlǧanyŋ soŋynda öşpes ızı qalǧanyn söz ettı.
–«Öner-bılım bar jūrttar, Tastan sarai salǧyzdy.Aişylyq alys jerlerden. Közıŋdı aşyp jūmǧanşa. Jyldam habar alǧyzdy», degen aqyn Abaidyŋ öleŋı tereŋ zerdelegenge oi salarlyqtai. Jastardyŋ keleşegı üşın bılım alatyn oqu keşenın salǧan Mars Fazylūly şyn mänısınde eldıŋ erteŋın oilaǧan azamat ekenın körsetedı», – dedı oblys äkımınıŋ orynbasary.
Universitet rektory Talǧat Iliiasūly syrtqy kedergılerdı jeŋe bıletın, älemdık özgerısterge qarai, damudyŋbaǧyt-baǧdaryn boljai bıletın tūlǧalardyŋ ısı de ırı bolatynyn söz ettı. Mars Fazylūlynyŋ qanşa jyl ötse de ızı öşpeitındei eskertkıştı özıne özı qoiyp ketken azamat ekenın atap öttı. Bügınde «Gidrokeşen» dese, eske akademik Mars Ürkımbaevtyŋ eske tüsetını, ras. Endı sonyŋ tasqa qaşalǧan anyqtamasy sol keşennıŋ qabyrǧasyna ılınıp otyr.
–Qazırgı bılım men ǧylym, qoǧamdaǧy kökeitestı qozǧalystar turaly söz eter bolsaq, nar tūlǧaly ǧalymdar men memlekettık qairatkerlerdıŋ eŋbek joly men ömır joly köz aldymyzǧa keledı. Solardyŋ qatarynan, özındık ız qaldyrǧan asyl azamattar arasynan bügınde ömırden ötkenıne 10 jyl tolyp otyrǧan Mars Ürkımbaevtyŋ esımı tasqa basqan taŋbadai-aq jarqyrap tūrǧanyn köremız. El keleşegı üşın batyl bastama köterıp, özınıŋ közı tırısınde osyndai öşpes eskertkış qaldyryp ketken akademiktıŋ aty el auzynda qaldy.Elımızge «GİDRO» degen atpen tanylǧan oqu keşenındegımemorialdyq taqtanyŋ aşyluy – sonyŋ jarqyn dälelı, – dedı Talǧat Iliiasūly.
Otyzdan endı asqan şaǧynda institut rektory bolǧan Mars Ürkımbaev basqaruşylyq qabıletınıŋ joǧary ekenın basqa salalarda eŋbek etken jyldary da aiqyn körsete bılgen. Onyŋ öz ideiasyna köptı sendıre bıletın, ainalasyndaǧylardy serpıltıp jüretın jarqyn mınezı turaly zamandastary jyly estelık aitudan jalyqqan emes. Is-şaraǧa arnaiy kelgen Jambyl oblysynyŋ Qūrmettı azamaty Saǧynhan Ämıreqūlov, Qazaqstan ūlttyq akademiiasynyŋ akademigıÖskenbai Mädiev, Taraz qalalyq mäslihatynyŋ hatşysy Batyrbek Qūlekeev Mars Fazylūlynyŋ batyl da, bastamaşyl ısterı jaily äŋgıme qozǧap, estelıkterın aitty.
Al akademiktıŋ ınısı Bolat Fazylūly Jambyl jerındegı jaŋa oqu ǧimaratynyŋ qūrylysyn jürgızuge qalai rūqsat alǧanyn söz ettı. Jalpy būl kezınde Keŋes Odaǧynyŋ Ündıstanda jürgızemız degen qūrylystyŋ arhitekturalyq jobasy eken. Osy joba boiynşa ǧimaratty osy Tarazda saluǧa bolatynyn Mars Ürkımbaev Mäskeudegılerge talai däiektı keltırıp jürıp, däleldep şyqqan eken. Osylaişa Jambyl jerınde bıregei «Gidrokeşen» degen atauǧa ie bolǧan oqu korpusy boi kötergen. Endı mıne, sol bastamanyŋ avtorynyŋ esımı sol keşende jarqyrap jazylyp tūi.
Basqalarmen bölıse
otyryŋyz
