Qyrǧyzstan prezidentı Sadyr Japarov qandai da bır memlekettı moiyndau kez kelgen egemendı eldıŋ öz qūqyǧy dep, Reseidıŋ DHR men LHR-dy moiyndauy turaly öz ūstanymyn aitty, - dep habarlaidy “Adyrna” ūlttyq portaly Sputnik agenttıgıne sılteme jasap.
Onyŋ aituynşa, ol Ukrainanyŋ şyǧysyndaǧy jaǧdaidyŋ damuyn alaŋdauşylyqpen baqylap otyr.
"Donbass töŋıregındegı jaǧdaidy ünemı baqylap otyramyn. Qyrǧyzstan BŪŪ Qauıpsızdık Keŋesınıŋ qoldauyna ie bolǧan qaqtyǧysty retteu jönındegı jalǧyz qūjat, Minsk uaǧdalastyqtaryn saqtau qajettılıgın negızge alady. Ökınışke orai, olardyŋ oryndalmauy qazırgı qiyn jaǧdaiǧa äkeldı", - dep jazdy Japarov Facebook-te.Ol jaǧdai tek beibıt diplomatiialyq jolmen şeşıletınıne senım bıldırdı.
"Adam ömırı - eŋ qūndy närse. Janjal odan ary uşyǧyp ketpes üşın, jaǧdaidy retteu kezınde barynşa saqtyq pen ūstamdylyq tanytuǧa şaqyramyn. Mümkın, būl köptegen Resei azamattary tūratyn Donbasstyŋ beibıt tūrǧyndaryn qorǧau üşın qajet bolǧan şyǧar. Qandai da bır memlekettı moiyndau kez kelgen eldıŋ egemendı qūqyǧy ekenın atap ötkım keledı", - dep atap öttı Japarov.
“Adyrna” ūlttyq portaly
