Elımızdıŋ barlyq aimaqtarynda tūrǧyndar Päter ielerı kooperativterınıŋ jūmysyna qatysty syni közqaras tanytady. Köpqabatty tūrǧyn üilerdı kütıp ūstau jūmystaryna yqpal etıp, kondominium nysandaryn basqaru prosesın retteu maqsatynda Memleket basşysy biyl Mülıktıŋ menşık ielerı bırlestıkterı men jai serıktestıkterdı qūru boiynşa tapsyrma berdı. Äleumet üşın özektı jūmystardy pysyqtau maqsatynda bügın oblys äkımı Gülşara Äbdıqalyqova Mülıktıŋ menşık ielerı bırlestıgı institutyn engızu boiynşa selektorlyq jiyn ötkızdı.
Otyrysqa apparat basşysy Erlan Raiǧaniev, qala äkımı Ǧanibek Qazantaev, salalyq basqarma men departament basşylary jäne onlain rejimde audan äkımderı qatysty.
Jiyn barysynda energetika jäne tūrǧyn üi-kommunaldyq şaruaşylyǧy basqarmasynyŋ basşysy Erlan Jaŋabaev mülıktıŋ menşık ielerı bırlestıkterın qūru ısınde respublika boiynşa öŋır jūmys qarqyny körsetkışı boiynşa alǧaşqylardyŋ bırı bolǧanymen, älı de jūmysty jandandyrudy qajet etetının alǧa tartty. Sondai-aq, audandar boiynşa salystyrmaly taldau jasap öttı. Mäselen, Qazaly, Syrdariia audanynda jūmysy älsız jürgızılse, qalǧan audandarda jūmys müldem tömen.
Sondai-aq, Erlan Jaŋabaev belgılengen keste boiynşa 1 şıldeden bastap barlyq bırlestıkter jūmysyn bastap ketuı kerektıgın alǧa tartyp, jūmysty jedeldetu turaly ūsynysyn ortaǧa saldy.
Jiyn barysynda qala jäne audan äkımderı atqarylǧan jūmys barysyn baiandady. Öŋırde barlyǧy 1222 köpqabatty tūrǧyn üi bar, onyŋ ışınde jüiesımen qūryluy qajet 914 köpqabatty tūrǧyn üidıŋ bügıngı taŋda, 909-y qūryldy būl jalpy jospardyŋ 99,5% qūraidy. Onyŋ ışınde, Qyzylorda qalasynda – 575 üi, Aral audany- 42, Qazaly audany - 106, Qarmaqşy audany- 56, Jalaǧaş audany- 21, Syrdariia audany- 29 , Şielı audany - 69, Jaŋaqorǧan audany - 16 köpqabatty tūrǧyn üi qamtyldy. Qalǧan 308 köp päterlı tūrǧyn üige kommunaldyq menşıkte boluyna bailanysty basqaru ūiymdary talap etılmeidı.Qazırgı taŋda kondominium obektısınıŋ ortaq mülkın kütıp-ūstau üşın aǧymdaǧy jäne jinaq şottaryn aşu, köp qabatty tūrǧyn üi şyǧystarynyŋ eŋ tömengı mölşerın bekıtu, kommunaldyq qyzmet körsetu erejesın engızu jūmystary jürude. Köpqabatty tūrǧyn üilerdı basqaru reformasyn engızu baǧytynda jūmysty saralaǧan aimaq basşysy 2022 jyldyŋ 1 şıldesınen bastap qūrylǧan menşık ielerı bırlestıkterı men jäi serıktestıkter kedergısız jūmysyn bastauy tiıstıgın eskertıp, Erlan Jaŋabaevqa äkımdermen bırlesıp, tiıstı jūmystar jürgızıluıne ai saiyn monitoring jasaudy tapsyrdy. Sondai-aq, «Azamattarǧa arnalǧan ükımet» KEAQ men oblystyq ädılet jäne statistika departamentterıne qūjattardy tez arada räsımdeuge yqpal etu boiynşa tapsyrma berdı.
