Memleket basşysynyŋ ökımımen Bolat Anapiiaūly Tılepov Qazaqstan Respublikasy Prezidentı Äkımşılıgınıŋ Işkı saiasat bölımınıŋ meŋgeruşısı lauazymyna taǧaiyndaldy.
Bolat Tılepov 1978 jyly Kentau qalasynda düniege kelgen. Äl-Farabi atyndaǧy Qazaq memlekettık ūlttyq universitetın «saiasattanuşy, saiasattanu oqytuşysy» mamandyǧy boiynşa tämamdaǧan. 2001-2005 jyldary «Strategiia» taldau ortalyǧy» qoǧamdyq qorynyŋ sarapşysy, Äleumettık-saiasi zertteuler ǧylymi-zertteu institutynyŋ ǧylymi qyzmetkerı, Saiasi tehnologiialar ortalyǧynyŋ aǧa ǧylymi qyzmetkerı bolyp jūmys ıstedı.
2005-2006 jyldary — Almaty qalasy äkımı apparatynyŋ Qazaqstan halqy kışı assambleiasy meŋgeruşısınıŋ mındetın atqaruşy, hatşylyq meŋgeruşısı. 2008 jyly Almaty qalasy Işkı saiasat departamentı direktorynyŋ orynbasary, Işkı saiasat basqarmasy basşysynyŋ orynbasary qyzmetın atqardy.
2008 jyldan 2013 jylǧa deiın — Astana qalasy Işkı saiasat basqarmasy basşysynyŋ orynbasary, basşysy. 2013-2014 jyldary — «Astana qalasynyŋ Işkı saiasat basqarmasy» MM basşysy.
2014-2015 jyldary — Qorǧanys ministrlıgınıŋ Äkımşılık departamentı basşysynyŋ orynbasary. 2015-2016 jyldary — Premer-ministr orynbasarynyŋ keŋesşısı. 2017-2019 jyldary — Qazaqstan Respublikasynyŋ Resei Federasiiasyndaǧy Elşılıgınıŋ keŋesşısı. 2019 jylǧy qaraşadan bastap bügıngı künge deiın Prezidentı Äkımşılıgınıŋ memlekettık inspektory bolyp jūmys ıstedı.
"Adyrna" ūlttyq portaly
