Almatydaǧy Jurnalister üiınde aqyn, qoǧam qairatkerı Oljas Süleimenovtıŋ «Qazaqstan halyq kongresı» qoǧamdyq qozǧalysy jūmysynyŋ jandanuy turaly baspasöz mäslihaty öttı, dep habarlaidy "Adyrna" ūlttyq portaly nege.kz-ke sılteme jasap.
Baspasöz maslihaty barysynda O.Süileimenov qoǧamdyq qozǧalys jūmysyn qaita bastaitynyn aitty.
Qozǧalystyŋ qūryluyna «Qaŋtar oqiǧasy» sebep bolǧan joq pa?
Oljas Süleimenov būl sūraqqa jauap bere otyryp, «Qaŋtar oqiǧasyna» qatysty oiyn aşyq aitty.
«Qaŋtar oqiǧasynda studentter bolǧan joq. Men Şevchenko köşesı boiymen ketıp bara jatqan topty öz közımmen kördım. Men ol kezde auruhanada jatqanmyn. 8-qabattyŋ balkonynan bärın baqylap tūrdym. Olar jürgen jerde studentter bolǧan joq. Ol jerde Bolat Nazarbaevtyŋ bazarynyŋ jūmyskerlerı boldy. Olar – küzetşıler, jük tasyǧyştar, taǧy sol siiaqtylar. Jas, boiynda küşı bar jıgıtter Şevchenkodan bastap, Furmanovaǧa deiın jürıp öttı. Odan ary qarai alaŋǧa köterıldı. Men – 1986 jylǧy köterılıstıŋ kuägerımın. Ekı kün barlyǧyn öz közımmen kördım, bel ortasynda jürdım, sol üşın quǧyndaldym. Sol sebeptı men keşegı topty aiyra alamyn. Qaŋtarda bazardyŋ jūmyskerlerı şyqty. Olardyŋ jasaǧanyn studentter ıstei almas edı. Tonau, būzaqylyq, örteu degen siiaqtylary tolyp jatyr», – dedı Oljas Süleimenov.Aqynnyŋ aituynşa, «Qaŋtar oqiǧasyn» eks-prezidenttıŋ äuletınıŋ adamdary ūiymdastyrǧan.
«Men būǧan nyq senımdı emespın, bıraq negızınen ony şapyraşty ruynyŋ ökılderı ūiymdastyrdy. Şapyraştylardyŋ jendetterı jürdı. Öitkenı ol ekı künnıŋ ışınde ūiymdastyrylǧan jospar emes. Oǧan būrynnan daiyndaldy. Olar asyǧystyq jasady. Prezidentter Reseide Putinmen kezdestı. Sol kezde olar uaqyty keldı dep tüsındı», – dedı O.Süleimenov.
"Adyrna" ūlttyq portaly
