Pavlodarlyq «Tıl janaşyry» «Qūrmet» belgısınıŋ iegerı Ruza Beisenbaitegı redaksiiamyzǧa habarlasyp, özıne küş qoldanylǧanyn aitty. Qoǧamdyq oryndarda qazaq tılınde qyzmet körsetudı sūraǧan tūrǧynǧa küş qoldanylsa da, jergılıktı polisiia qol ūşyn sozbaǧan körınedı. Bügın 13 jyl boiy qazaq tılı üşın küresıp kele jatqan Ruza Beisenbaitegı aksiiaǧa şyqpaq.
— Bügın «Baqauov, qazaq tılın qorlatpa!» degen ūranmen aksiiaǧa şyǧamyn. Sebebı polisiia eşteŋe ıstemei otyr. Osydan bıraz uaqyt būryn Jasqairat Qaiyrov degen jergılıktı polisiia basşysy «Bız barlyq polisiia qyzmetkerlerın şaqyryp barlyq tūrǧyn qazaq tılınde söileuge, qazaq tılınde jauap aluǧa qūqyly ekenın aitamyz. Tılge bailanysty dau şyqsa, oqiǧa ornynan baryp şeşemız», – dep aitqan bolatyn. Arada bır apta ötse de, eşqandai nätije bolǧan joq, – deidı Ruza Beisenbaitegı.
Tıl janaşyrynyŋ aituynşa, jergılıktı bilık pen jergılıktı polisiia qūrǧaq sözben jyly jauyp qoiuǧa üirengen. Pavlodar oblysynyŋ äkımı Bolat Baqauovqa ekı ret telefonogramma jıbergenın de aitty.
— Baqauovqa ekı ret telefonogramma tastadym. Ekeuı de qoǧamdyq kölıkte aialdamalardy, jol aqysyn töleudı qazaq tılınde aitudy sūraǧanyma bailanysty. Bırınşısınde eger polisiia qyzmetkerlerı kelmese, avtobustyŋ astyna tüsemın dep aittym. Al ekınşısınde aksiia jasaǧaly jatqanymdy habarladym», – deidı Ruza Beisenbaitegı.
Aita ketsek, osydan ai būryn Ruza Beisenbaitegı redaksiiamyzǧa habarlasyp, avtobus konduktorynan jolaqysyn qazaq tılınde sūraudy ötıngen. Artynşa ıs nasyrǧa şauyp, polisiia qyzmetkerlerı kelmese, avtobustyŋ astyna tüsetının aitqan edı.
Ruza Beisenbaitegınıŋ aituynşa, onyŋ aksiiaǧa şyqqannan basqa amaly qalmaǧan. Jergılıktı polisiia oblysy äkımıne baǧynyşty, onyŋ sözınen attap şyǧa almaidy.
— Qolymda qazaq tılınde qyzmet körsetuın sūraǧanym üşın menı avtobustan süirep şyǧarǧan, telefonymdy tartyp alǧan videolar bar. Men sol videolardy polisiiaǧa körsetkım keldı. Alaida menı mazaq qylǧan adamşa üş polisiia kölıgı janymnan öttı. Mende onyŋ da videosy bar. Bır saǧattan keiın aialdamadan 100 metr jerge polisiia kölıgı kelıp toqtady. Baryp, män-jaidy aitqanymda, «bızge eşqandai tapsyrma berılgen joq, eşteŋe ıstei almaimyz», – dep aitty, – deidı Ruza Beisenbaitegı.
— Men osylai etpesem, bız osylai etpesek qazaq tılı qorlana beredı, – dep küiınışpen aiaqtady sözın Ruza Beisenbaitegı.
Pavlodar oblysynyŋ äkımı Bolat Baqauov Memlekettık tıldıŋ märtebesın qorǧap, jüielı ıs qyluǧa şamasy keler dep sengımız keledı. Äitpese, basqa emes, Aqordaǧa baryp, «Tıl janaşyry» «Qūrmet» belgısı marapatyn alǧan Ruzadai qoǧam qairatkerınıŋ özı osylai qazaq tılınde söilegenı üşın japa şegıp jatsa, qarapaiym qazaqtyŋ küiı qandai bolmaq? Öŋırde memlekettık tıl märtebesın asqaqtatuǧa şamasy kelmese, Baqauov būl qyzmette ne üşın otyr degen zaŋdy sūraq ta tuyndaidy. Bız oblys äkımı ärbır tramvaidy aralap jüru kerek demeimız, alaida qūzyrly organ basşylarynyŋ Memlekettık tıl märtebesın qorǧauyn qadaǧalau äkımnıŋ tıkelei eŋ maŋyzdy jūmysy emes pe?..
Qamshy.kz
