Bügınde ülken ärıptesımızge ainalyp otyrǧan Qytai tılıne köŋıl böluımız kerek. Būl jönınde Memleket basşysy «Jaŋa gumanitarlyq bılım. Qazaq tılındegı 100 jaŋa oqulyq» jobasy boiynşa qazaq tılıne audarylǧan 18 kıtaptyŋ saltanatty tūsaukeser şarasynda mälımdedı, dep habarlaidy Baq.kz tılşısı.
«Qanşa tıl bılse, adam sonşalyqty mädeniettı» degen söz bar emes pe?! Būl oŋai ıs emes. Keide balalardy aiaisyŋ. Olar onsyz da täulık boiy bos emes. Alaida, qazır olardy aiaityn bolsaŋyz, erteŋ özıŋızge ūrysady. Bızdı, menıŋ zamandastarymdy mülde oqytqan joq. Basty mäsele aştan ölıp qalmai, aman qalu bolyp tūrǧanda, qaidan oqytsyn? Al qazır oqytu kerek. Küştep oqytu kerek. Ūly filosof Şopengauer özıne tiıstını jattaǧanyna deiın äkesı ony üş kün qamauda ūstaǧanyn jazady. Sol siiaqty, köptegen ūly kompozitorlardy da ata-analary osyndai qataldyqpen oqytqan. Mümkın olarǧa sol kezde ūnamaǧan bolar, al eseigen soŋ rahmetın aitady», - dedı Prezident.Nazarbaev bırneşe tıl bılu ülken mümkındıkterge esık aşatynyn aitty.
«Bırneşe tıl bılu bäsekelestıktı arttyryp qana qoimai, ülken mümkındıkterge esık aşady. Bızde myŋdaǧan şeteldık kompaniia jūmys jasaidy. Olardyŋ ärqaisysy özıne jūmysşy ızdeidı. Al, eger, ol tıl bılmese, qaitıp alady? Jalpy, bız myna Qytaidyŋ tılıne de köŋıl audaruymyz kerek. Eŋ ülken ärıptesımız bolyp kele jatyr. Osynyŋ barlyǧy adam kapitalynyŋ sapasyn, eldıŋ intellektualdyq quatyn bıldıredı. Bız balalarymyz üş tılde bılım aluy üşın barlyq jaǧdaidy jasap jatyrmyz. Būl balalar üşın tek jaqsy närse, eş jamandyǧy joq. Şveisariiada qarapaiym taksist tört tıl bıledı. Sebebı, onda aǧylşyn, fransuz, nemıs jäne italiia tılı mındettı bolyp tabylady. Ol tılderdıŋ barlyǧy memlekettık tılder. Eşteŋe joq, solai ömır sürıp jatyr ǧoi», - dedı Elbasy.
Baq.kz
