«QazAtomÖnerkäsıp» ūlttyq kompaniiasynyŋ būrynǧy basqarma basşysy Mūhtar Jäkışev saiasi partiia qūru turaly oilarymen bölıstı, dep habarlaidy “Adyrna” ūlttyq portaly Orda.kz saityna sılteme jasap.
Būl turaly Mūhtar Jäkışev «Giperborei» YouTube arnasyna bergen sūhbatynda aitty.
– Bırınşıden, men saiasatker emespın. Men eşqaşan saiasatpen ainalaspadym. Menıŋ oiymşa, menen jaqsy saiasatker şyqpaidy. Saiasi küreste qu bolu kerek. Ekınşıden, iä, köptegen adamǧa jaŋalyq boluy mümkın, men 2023 jyldyŋ 21 mamyrǧa deiın men älı (türmede – Red.) otyrmyn. Men älı aiybymdy ötep otyrmyn. Menıŋ öteu uaqytym älı bıtken joq. Sondyqtan, Qazaqstan Zaŋnamasyna säikes, maǧan dauys beru qūqyǧy berılmeidı. Men sailauǧa qatysa almaimyn. Menen: «Partiia nege aşpaisyz?» dep sūraidy. Partiia aşu üşın joba, pıkırles adamdar jäne būnyŋ barlyǧy ne üşın jasalyp jatqanyn bılu qajet. Mende zaŋdy qūqyq joq. Sebebı, men dauys ta bere almaimyn jäne sailauǧa da qatysa almaimyn. 2023 jyldyŋ mamyryna deiın men tūtqyndamyn, – dedı Jäkışev.Sonymen qatar, «QazAtomÖnerkäsıp» ūlttyq kompaniiasynyŋ būrynǧy basqarma basşysy qandai jaǧdaida qaitadan türmege oralu mümkın ekenın aitty.
– Köşenıŋ tyiym salǧan jerınen ötıp ketsem nemese temekı tūqylyn laqtyrsam, kez-kelgen qūqyq būzuşylyq bolsa, men menı bosatqan jerge qaita oralamyn. Būl 2023 jyldyŋ 21 mamyryna deiın emes, men türmede otyrmaǧan 3 jyl 2 aiǧa qaita qamalamyn. Mysaly, 2023 jyldyŋ 19 mamyr künı bır äkımşılık qūqyq būzuşylyq jasasam – men menı bosatqan jerge 2026 jylǧa deiın otyramyn. Qazırgı taŋda, menıŋ märtebem – jarymjan. Sondyqtan, kez-kelgen azamat ıstei alatyn menen qandai da bır ıs-qimyl kütkende – menen būny ärdaiym ala almaisyndar. Öitkenı, men Zaŋ boiynşa, keibır qūqyqtarymnan aiyryldym. Eşqandai partiialyq ömır turaly aita almaimyz. Zaŋ boiynşa, būl mümkın emes, – dedı Mūhtar Jäkışev.«QazAtomÖnerkäsıp» kompaniiasynyŋ būrynǧy basşysynyŋ aituynşa, ol özınıŋ «tūtqyn» märtebesıne asa köp män bermei, saiasi refeormalar qajetılıgın atap öttı.
– Men būl märtebege qarai bermeimın. Menı qaitadan qaitara alady, men är apta saiyn belgılep otyramyn, saǧat tüngı 10:00 keiın üide bolu kerekpın. Būl menı uaiymdatpaidy. Saiasi reforma qajet. Būl bıreuge ūnai ma, ūnamai ma? Men ärdaiym nenı oilaimyn – sony aitamyn. Sol üşın otyru kerek boldy ma – otyrdym, – dep tüiındedı Jäkışev.
“Adyrna” ūlttyq portaly
