«QazAtomÓnerkásip» ulttyq kompanııasynyń burynǵy basqarma basshysy Muhtar Jákishev saıası partııa qurý týraly oılarymen bólisti, dep habarlaıdy “Adyrna” ulttyq portaly Orda.kz saıtyna silteme jasap.
">«Gıperboreı» YouTube arnasyna bergen suhbatynda aıtty.Meni qaıtadan túrmege qamaýy múmkin - JÁKIShEV
03.03.2022
8084
– Birinshiden, men saıasatker emespin. Men eshqashan saıasatpen aınalaspadym. Meniń oıymsha, menen jaqsy saıasatker shyqpaıdy. Saıası kúreste qý bolý kerek. Ekinshiden, ıá, kóptegen adamǵa jańalyq bolýy múmkin, men 2023 jyldyń 21 mamyrǵa deıin men áli (túrmede – Red.) otyrmyn. Men áli aıybymdy ótep otyrmyn. Meniń óteý ýaqytym áli bitken joq. Sondyqtan, Qazaqstan Zańnamasyna sáıkes, maǵan daýys berý quqyǵy berilmeıdi. Men saılaýǵa qatysa almaımyn.
Menen: «Partııa nege ashpaısyz?» dep suraıdy. Partııa ashý úshin joba, pikirles adamdar jáne bunyń barlyǵy ne úshin jasalyp jatqanyn bilý qajet. Mende zańdy quqyq joq. Sebebi, men daýys ta bere almaımyn jáne saılaýǵa da qatysa almaımyn. 2023 jyldyń mamyryna deıin men tutqyndamyn, – dedi Jákishev.
Sonymen qatar, «QazAtomÓnerkásip» ulttyq kompanııasynyń burynǵy basqarma basshysy qandaı jaǵdaıda qaıtadan túrmege oralý múmkin ekenin aıtty.
– Kósheniń tyıym salǵan jerinen ótip ketsem nemese temeki tuqylyn laqtyrsam, kez-kelgen quqyq buzýshylyq bolsa, men meni bosatqan jerge qaıta oralamyn. Bul 2023 jyldyń 21 mamyryna deıin emes, men túrmede otyrmaǵan 3 jyl 2 aıǵa qaıta qamalamyn. Mysaly, 2023 jyldyń 19 mamyr kúni bir ákimshilik quqyq buzýshylyq jasasam – men meni bosatqan jerge 2026 jylǵa deıin otyramyn.
Qazirgi tańda, meniń mártebem – jarymjan. Sondyqtan, kez-kelgen azamat isteı alatyn menen qandaı da bir is-qımyl kútkende – menen buny árdaıym ala almaısyndar. Óıtkeni, men Zań boıynsha, keıbir quqyqtarymnan aıyryldym. Eshqandaı partııalyq ómir týraly aıta almaımyz. Zań boıynsha, bul múmkin emes, – dedi Muhtar Jákishev.
«QazAtomÓnerkásip» kompanııasynyń burynǵy basshysynyń aıtýynsha, ol óziniń «tutqyn» mártebesine asa kóp mán bermeı, saıası refeormalar qajetiligin atap ótti.
– Men bul mártebege qaraı bermeımin. Meni qaıtadan qaıtara alady, men ár apta saıyn belgilep otyramyn, saǵat túngi 10:00 keıin úıde bolý kerekpin. Bul meni ýaıymdatpaıdy. Saıası reforma qajet. Bul bireýge unaı ma, unamaı ma? Men árdaıym neni oılaımyn – sony aıtamyn. Sol úshin otyrý kerek boldy ma – otyrdym, – dep túıindedi Jákishev.
“Adyrna” ulttyq portaly
Басқалармен бөлісе отырыңыз
Pikirler
