Jambyl oblysynyń ákimi Berdibek Saparbaev 8-naýryz Halyqaralyq áıelder kúni qarsańynda birqatar aq jaýlyqty ájeler, kópbalaly analarǵa arnaıy baryp, quttyqtady.
Aımaq basshysy eń aldymen «Altyn alqa» ıegeri Danyshpan Isaevanyń shańyraǵynda bolyp, qart anaǵa qurmet kórsetti. Toqsan jasqa taıaǵan ájeıdiń jaǵdaıyn surap, merekege oraı gúl shoqtaryn usynyp, syı-syıapat jasady.
Budan soń Berdibek Saparbaev kópbalaly ana Gúlsara Ómirálıevanyń shańyraǵyna bardy. 40 jyl boıy tynymsyz eńbek etken batyr ana Baızaq aýdanynda dúnıege kelgen. Búginde 54 nemere, 28 shóberesiniń tileýin tilep otyrǵan aqjaýlyqty qoǵamdaǵy tynyshtyq pen eldegi beıbitshiliktiń baǵasyn bilýge shaqyrady.
Aımaq basshysy bul kúni sondaı-aq oblystyq kóp beıindi aýrýhana, oblystyq jedel-járdem stanııasy jáne Á.Bókeıhanov atyndaǵy №1 mektep-gımnazııasynyń ujymymen kezdesip, ondaǵy áıelder qaýymyn aıtýly merekemen quttyqtady.
