Jer älem nūrlanatyn, jan jürektı jadyratatyn mereilı sät 8 nauryz merekesı qarsaŋynda oblys äkımı Gülşara Äbdıqalyqova türlı salada ter tögıp, qoǧam damuyna qyzmet etken şaŋyraq şyraiy äielder qauymymen kezdestı.
Erekşe basqosuǧa el damuyna eleulı üles qosyp jürgen 30-ǧa juyq köpbalaly batyr analar men eŋbek adamdary şaqyryldy. Erge bergısız qyzmet etıp, analyq meiırımmen qoǧamǧa jaqsylyq tılep jürgen analar arasynda äskeri bölımnıŋ efreitory, kran jürgızuşı, aula sypyruşy sekıldı erekşe mamandyq ielerı de bar.
Körıktı kezdesude aimaq basşysy Gülşara Äbdıqalyqova äiel-analardy köktemnıŋ şuaqty merkesımen qūttyqtap, Syr öŋırınıŋ örkendeuıne aianbai üles qosyp jürgen belsendı äielder qauymy, ısker äiel-analar, qyz-kelınşekter üşın būl meiramnyŋ erekşe mänge ie ekenın jetkızdı.
- Bügın aiauly analarǧa şynaiy alǧysymyzdy bıldırsek degen nietpen jinalyp otyrmyz. Bızdıŋ analarymyz, arularymyz tek otbasynyŋ ūiytqysy ǧana emes, olar - bükıl qoǧamdy alǧa süirep, el yntymaǧyn nyǧaityp, nesıbesın molaityp jürgen quatty küş.Memleket basşysy Qasym-Jomart Kemelūly Toqaev 2022 jyldy Balalar jyly dep jariiady. Bala tärbiesıne qaşanda ūlt tärbiesı dep qaraǧan dana halqymyz bolaşaq ūrpaqty düniege äkelıp, baǧyp-qaǧyp, qiiaǧa ūşyratyn analardy ardaqtai da, aialai da bılgen. Barlyq uaqytta halqymyz özıne eŋ qymbat ūǧymdardy – Otan men Jer, Tıldı – Ana atymen bailanystyrǧan. Öitkenı, tırşılıktıŋ närı de, mänı de – Ana.
Sızder ärqaşan ibalyq men ızettıŋ, parasat pen paiymnyŋ, meiırımdılık pen ızgılıktıŋ bastauy bolyp kelesızder. Bügıngı künı bilık pen memlekettık qyzmette, respublikalyq deŋgeidegı basqaruşy organdarda äielder ülesınıŋ artuy – Sızderdıŋ qarymdy qabıletterıŋız ben ıskerlıkterıŋızdıŋ dälelı. Töl merekemız taǧy da qūtty bolsyn!, – dedı Gülşara Äbdıqalyqova.Meiırımge toly basqosuda oblystyq mäslihat hatşysy Nauryzbai Baiqadamov, oblystyq ardagerler keŋesınıŋ töraǧasy Serık Düisenbaev analarǧa igı tılegın arnap, ıltipat bıldırdı. Kezdesude batyr ana, eŋbek jäne tyl ardagerı Kültai Ryspambetova, töl önerımızdı jaŋǧyrtyp jürgen jyrau Zäure Kärıbaeva, üş dürkın «Altyn dombyra» iegerı, aitysker aqyn Mūhtar Niiazovtyŋ anasy Jūmakül Oŋǧarbaeva aqjarma tılegın jetkızdı. Qūrmet törınen körıngen äskeri qyzmetşınıŋ anasy Almagül Qūrmanbaeva da el tynyştyǧy üşın qiyndyqpen betpe-bet kelgen azamattardyŋ anasyna şynaiy alǧysyn bıldırıp, "Qasırettı qaŋtar" oqiǧasy kezınde ūlynan aiyrylǧan analardyŋ jan-düniesın jaqsy tüsınetının tılge tiek ettı. Jiynda «El namysy» arnaiy monitoringtık tobynyŋ jetekşısı Natalia Mişukova, karate-dodan halyqaralyq därejedegı sport şeberı, ekı dürkın Älem chempiony Möldır Jaŋbyrbai qūrmetke ie boldy. Şara arnaiy konserttık baǧdarlamamen jalǧasyp, jergılıktı önerpazdar analarǧa qūrmetın äserlı änmen jetkızdı.
