AQSh-tyń bir top zań shyǵarýshysy Reseı jáne Belarýspen "turaqty jáne qalypty saýda qatynastaryn úzý týraly" zań jobasyn ázirlegenin málimdedi, dep habarlaıdy “Adyrna” ulttyq portaly Azattyq radıosyna silteme jasap.
"Reseıden energetıkalyq taýar ımporttaýǵa tyıym salatyn jáne Reseı, Belarýspen saýda qatynastaryn toqtatatyn zań jobasyn usyndyq" dedi olar málimdemesinde.
Kongrestegi Respýblıkalyq partııa men Demokratııalyq partııa jetekshileri qoldaǵan zań jobasy taıaý arada qaralady, maquldansa AQSh prezıdenti Djo Baıdenge jiberiledi. Djo Baıden buǵan deıin AQSh-ta janar-jaǵar maı qymbattap ketýi múmkin degen qaýippen bul jóninde pikirin ashyq aıtpaǵan. AQSh paıdalanatyn munaıdyń 7 paıyzdaıyn Reseıden ımporttaıdy. Alaıda jeksenbide AQSh memlekettik hatshysy Entonı Blınken Aq úıdiń Reseı munaıyn ımporttaýǵa tyıym salý múmkindigin qarastyratynyn aıtqan.
Reseı jáne Belarýspen "qalypty saýda qatynasy" úzilse, bul eki eldiń taýarlarynyń ımport alymy 30 paıyzǵa deıin ósedi. Qazir ol 3 paıyz ǵana. Reseıdiń AQSh-qa negizgi eksporty – munaı, metall, platına men tyńaıtqysh.
AQSh bul sharany Reseıdiń Ýkraınaǵa basqynshylyǵyna jaýap sharanyń biri dep esepteıdi.
”Adyrna” ulttyq portaly
