“Amanat” partııasynyń frankııa músheleri premer-mınıstr Álıhan Ashanulyna depýtattyq saýal joldady, dep habarlaıdy “Adyrna” ulttyq portaly.
“Búgingi shıelenisti halyqaralyq jaǵdaı otandyq bıznes ókilderiniń múddelerine keri áser etýde.
Shıelenis aımaǵynda Qazaqstandyq kásipkerlerge tıesili 1007 júk vagony turyp qalǵan, 680 júk vagony shıelenis aımaǵyna jetpeı toqtatylǵan. Júk vagondarynyń tranzıt quny eki esege ósip ketken.
Logıstıkanyń buzylýyna baılanysty Evropadan elimizge keletin tuqym, tyńaıtqysh, ósimdikterdi qorǵaý quraldaryn jetkizý qıyndap ketken.
Atalǵan taýarlardyń kóktemgi egistik jumystaryna tutynýǵa qajetti aýqymnyń 50-paıyzy ǵana jetkiziledi degen boljaý jasalýda. Al, ımporttan keletin ósimdikti qorǵaý quraldary egistikke qajettiliktiń 90-paıyzyn quraıdy!
Otandyq bıznes ókilderi júzdegen mıllıon teńge shyǵynǵa ushyraýda. Úkimet qımyldap jatyr, biraq myna zamanda óte shıraq bolý mańyzdy!
Anyqtalǵandaı, elimizdiń bıznesi kóptegen halyqaralyq saýda brendilermen Reseı arqyly jumys istegen!
Ol brendiler kórshimizden jappaı shyǵyp jatyr!
Munaı tasymaldaýdyń da problemasy qyltıyp tur!
Nege Úkimet kezinde munaı tasymaly, saýda brendileriniń balama logıstıkasyn oılastyrmaǵan?!
Reseı rýbliniń tez bosańsýy bizdiń elimizge kórshimizden azyq-túliktiń ımportynyń eselep ósýine alyp kelýi múmkin.
Bul óz kezeginde Qazaqstandyq azyq-túlik óndirýshilerdiń jaǵdaıyn múldem turalatyp jiberýi yqtımal!
«Jyǵylǵan ústine judyryq» bolyp halqymyzdy baǵa men devalvaııa alqymnan qysyp jatyr!
«Amanat» partııasynyń saılaýshylary osy máseleler boıynsha alańdaýly!
Osy turǵyda:
1. Qazaqstannyń tasymal logıstıkasyn ártaraptandyrýǵa qandaı qadamdar jasalýda?
2. Halyqaralyq saýda brendileriniń Qazaqstanmen tikeleı jumys isteýin qamtamassyz etý úshin ne istelýde?
3. Munaı tasymalyn ártaraptandyrýǵa qandaı áreket jasalýda?
4. Jalpy, týrbýlenttik kezeńde, Qazaqstannyń ekonomıkalyq múddelerin qorǵaýdyń jańa fılosofııasy bar ma?
Osy máseleni zańda belgilengen merzimde qarastyryp, jaýap berýińizdi suraımyz”.
Qurmetpen,
Qazaqstan Respýblıkasy
Parlamenti Májilisiniń depýtaty,
«AMANAT» partııasynyń frakııa músheleri
