AQŞ-tyŋ jetekşı analitikalyq ortalyqtarynyŋ bırı «Atlantikalyq keŋes» alaŋynda «Qazaqstandyq-amerikalyq qarym-qatynastarǧa otyz jyl: qaŋtar daǧdarysy jäne bolaşaqqa jol» taqyrybynda paneldık pıkırtalas öttı, dep habarlaidy QR SIM baspasöz qyzmetı.
Halyqaralyq salyq jäne investisiia ortalyǧynyŋ Prezidentı Deniel Vit öz alǧysözınde ekıjaqty yntymaqtastyqtyŋ negızgı jetıstıkterı men Qazaqstannyŋ ǧalamdyq tūraqtylyq pen qauıpsızdıktı qamtamasyz etuge qosqan eleulı ülesın atap öttı.
Qazaqstannyŋ AQŞ-taǧy Elşısı Erjan Aşyqbaev qaŋtar oqiǧalarynyŋ tüpkı sebepterın joiu boiynşa Ükımetınıŋ qabyldap jatqan şaralary turaly baiandap, tergeudıŋ aşyq negızde ūlttyq zaŋnama men elımızdıŋ halyqaralyq mındettemelerıne säikes jürgızıletınıne sendırdı.
Prezident Qasym-Jomart Toqaevtyŋ «Jaŋa Qazaqstandy» qūruǧa baǧyttalǧan reformalary men bastamalary, sondai-aq halyqtyŋ äl-auqatyn arttyruǧa baǧyttalǧan Ükımet qyzmetınıŋ basymdyqtaryna basty nazar audaryldy. Būl tūrǧyda, Elşı Memleket basşysynyŋ saiasi reformalar men demokratiialyq özgerısterdı odan ärı jüzege asyru baǧytyna beiıldılıgın rastady.
Öz kezegınde, Atlantikalyq keŋestıŋ Euraziia ortalyǧynyŋ Aǧa direktory Djon Herbst Qazaqstannyŋ Ortalyq Aziiadaǧy tūraqtandyruşy jäne teŋgeruşı rölın, sondai-aq özınıŋ tiımdılıgın däleldegen köpvektorly syrtqy saiasatynyŋ sättı jüzege asyryluyn atap öttı.
«New Lines Institute» oi-talqy ortalyǧynyŋ direktory Kamran Bohari qaŋtardaǧy oqiǧa Qazaqstannyŋ damu traektoriiasyna äser etpegenın atap öttı. Onyŋ pıkırınşe, memlekettı özgertu jäne ekonomikalyq damudy jedeldetu belgılı bır küş-jıgerdı qajet etedı jäne memleket basşylyǧy oŋ baǧytta kele jatyr.
Atlantikalyq keŋestıŋ Aǧa ǧylymi qyzmetkerı Ariel Koen AQŞ-tyŋ sanksiialyq saiasatynyŋ terıs äserınıŋ aldyn aludyŋ maŋyzdylyǧyn atap ötıp, elımız Kaspii qūbyr konsorsiumy arqyly älemdık mūnai jetkızılımınıŋ 1,2% qamtamasyz etetınıne nazar audardy.
Jalpy, ıs-şaraǧa qatysuşylar Qazaqstandaǧy saiasi jäne ekonomikalyq reformalarǧa oŋ baǧa berıp, olardyŋ özektılıgı men ūzaq merzımdı tiımdılıgıne senım bıldırdı. Sarapşylar Qazaqstannyŋ auqymdy Euraziia aimaǧyndaǧy tūraqtandyruşy rölın jäne ekıjaqty yntymaqtastyqty tereŋdetu üşın eleulı äleuettıŋ boluyn eskere otyryp, AQŞ pen Qazaqstan arasyndaǧy keŋeitılgen strategiialyq ärıptestıktı odan ärı damytudyŋ maŋyzdylyǧyn atap öttı.
“Adyrna” ūlttyq portaly
