Prezidenttıŋ bes äleumettık bastamasyn ıske asyruǧa bailanysty «Nūrly jer» tūrǧyn üi baǧdarlamasyna özgertuler engızıledı dep habarlaidy İnvestisiialar jäne damu ministrlıgınıŋ baspasöz qyzmetı.
Bırınşıden, jüienı memlekettık josparlauǧa säikes Baǧdarlama memlekettık bolyp qaita bekıtıledı. Sondai-aq, tūrǧyn üi qūrylysy men qarjylandyru kölemın arttyru normasy qaita qaralady.
«7-20-25» jaŋa ipotekalyq baǧdarlamasyn engızuge bailanysty «Nūrly jer» baǧdarlamasynyŋ mehanizmderı qaita qaraldy. Būl ipotekany subsidiialau mındetın alyp tastaudy qarastyrady.
Sonymen qatar jasalǧan jäne jasalatyn kelısımder boiynşa mındettemeler oryndalatyn bolady (qabyldanǧan mındettemelerge jäne azamattardyŋ boljamdy ötınımderıne säikes, 6,4 mlrd teŋge).
Qūrylys alaŋdaryn daiyndau üşın tūrǧyn üi qūrylysy jüretın audandardaǧy injenerlık kommunikasiia qūrylysyn qarjylandyru kölemın 80 milliardtan 100 mlrd teŋgege deiın arttyru mäselesı qaraluda (qosymşa 20 mlrd teŋge).
2019 jyldan bastap satyp alu qūqyǧynsyz berıletın arendalyq tūrǧyn üi qūrylysyna jyl saiyn respublikalyq biudjetten 10 mlrd teŋge kölemınde qosymşa qarajat bölu ūsynylady (25-ten 35 mlrd. teŋgege deiın).
Būl halyqtyŋ äleumettık älsız top sanatyna jatatyn qosymşa 1 myŋnan astam otbasyn jyl saiyn tūrǧyn üimen qamtamasyz etuge mümkındık beredı. Osy baǧdarlamaǧa jeke qūrylys saluşylardyŋ belsendı qatysulary üşın äkımdıkter daiyn tūrǧyn üi nysandaryn satyp ala alady (nesie men arendaly tūrǧyn üidı satyp aluǧa bölıngen qarajat esebınen).
Būdan bölek, «Nūrly jerge» engızıletın özgerıster aiasynda äkımdıkterdıŋ päterlerın «Tūrǧyn üi qūrylys jinaq bankınıŋ» salymşylarymen qatar, jeke bankterdıŋ klientterı üşın de satyp alu qarastyrylady.
Būl şaralar ipotekany damytuǧa ülken serpılıs beredı. Atap aitsaq, şarşy metrı öŋırlerde - 140 myŋ teŋge, al Astana, Almaty, Atyrau jäne Aqtau qalalarynda 180 myŋ teŋgeden bolady (salynǧan baspana banktıŋ salymşylaryna 3 ai ışınde ötkızılıp, ötkızılmegen üilerdıŋ qaldyǧy EDB klientterıne).
Jaŋa baǧdarlama parametrı boiynşa «Tūrǧyn üi qūrylys jinaq bankınıŋ» tūrǧyn üi zaimy qaita qaralatyn bolady. Jalpy qabyldanǧan şaralar tūrǧyn üidı paidalanuǧa beru kölemın jyl saiyn 8% (jylyna 8 myŋnan astam baspana) jäne 2030 jylǧa deiın 1 adamǧa şaqqandaǧy baspanamen qamtu körsetkışın 30 şarşy metrge deiın jetkızuge mümkındık beredı.
Būl bastamany jüzege asyru tūrǧyn üi qūrylysy industriiasyn damytuǧa ülken serpın beredı jäne tūtastai alǧanda el ekonomikasynyŋ odan ärı ösuıne yqpal etedı.
________________________________________________________________________________________________________________________________
inform.kz
