Bekbolat QARJAN: Altyntóbeniń 17000 gektar jerine qatysty qujattar oblystyq arhıvte joq

8463
Adyrna.kz Telegram
Jerge qatysty oblystyq arhıvtegi qujattar joq bolyp shyqty
Mynaý jaǵdaıǵa zańgerler ne aıtar eken...
Sizderge jer daýy boıynsha aqparattar legin taǵy da usynamyn. Bizdiń Altyntóbe aýyly okrýgindegi jer daýymen aınalysyp jatqanymyzǵa 5-shi aıǵa jýyqady. Biz qazir sotpen de, otpen de, prokýratýramen de, ákimdikpen de alysyp júrmiz.
2010 jyly Altyntóbe aýyly okrýginiń 17000 gektarǵa jýyq jer telimderin Qazyǵurt aýdandyq ákimdigi "Ońtústik" áleýmettik kásipkerlik korporaııasy akıonerlik qoǵamyna halyqtyń kelisiminsiz-aq tabystap jibergen. Halyqtyń jerin korporaııaǵa quqyqtyq tabystaýda aýdan ákimdigi № 153 qaýlyny shyǵarǵan. Bizge sotqa kerekti qujattardyń ishindegi eń negizgi qujat - osy № 153 qaýly men qaýlyǵa negiz bolǵan qosymsha qujattardy aldyrtý úshin aýdan ákimdigine, aýdandyq jer qatynastary basqarmasyna, Túrkistan oblystyq arhıvine suranym hat bergenbiz. Altyntóbeniń jerin korporaııaǵa ótkizgen qujattar oblystyq arhıvte joq bolyp shyqty. Muny sot bolady degen soń qaı shuńqyrǵa tyǵyp otyrǵany bizge belgisiz. Eldiń múddesine qatysty qujattarǵa QR Konstıtýııasyna saı suranym berip otyrmyz. Qujattardy jasyrý qylmystyq jaýapkershilikke alyp keledi. Halyq 30 jyl boıy jerine ıe bola almaı keledi. Sondyqtan okrýgte daý-damaı, tóbeles toqtamaı, asqynyp jatyr.
Zań boıynsha aýdandaǵy qujattar 5 jyldyń ishinde oblystyq arhıvterge tapsyrylady. Biraq, biz suratyp otyrǵan № 153 qaýlynyń oblystyq arhıvte 1-shi beti ǵana bar, al jerdi tabystap, ákimshilik qyzmetkerleri qol qoıǵan beti men qaýlynyń shyǵýyna negiz bolǵan qosymsha qujattar joq bolyp shyqty. Arhıvti aýdardyq, biraq qujattar joq. Arhıvtegi qyzmetkerler eki kún boıy izdedi. Biraq qujattar tabylmady.
Altyntóbede 10 myńǵa jýyq halyq bizge qarap otyr. Eger de oblystyq arhıv qaýlyny jasyryp otyrsa, qylmystyq jaýapkershilikke tartylady. 10 myń adamnyń múddesi jáı ǵana tirlik emes, jaýapkershiligi aýyr tirlik. El men halyqtyń múddesine qajetti arhıvtegi qujatty jasyrý qylmys bolyp tabylady. 
"Adyrna" ulttyq portaly
Pikirler