AQSh-taǵy Tehas shtatynyń batysynda 13 jastaǵy jasóspirim pıkap kóligin basqaryp kele jatyp, shaǵyn avtobýsqa soqtyǵysqan. Nátıjesinde toǵyz adam, onyń ishinde stýdenttik golf komandasynyń músheleri men olardyń jattyqtyrýshysy qaza tapty, dep habarlaıdy «Adyrna» tilshisi NBC-ke silteme jasap.
Oqıǵa beısenbi kúni bolǵan. Agenttiktiń jazýynsha, júk kóliginde jasóspirimmen birge eresek er adam bolǵan.
Oqıǵa saldarynan komandanyń eki múshesi ǵana aman qaldy. Olardyń jaǵdaıy aýyr.
AQSh kólik qaýipsizdigi jónindegi ulttyq keńestiń basshysy Brıýs Landsberg qaqtyǵys joǵary jyldamdyqta bolǵanyn atap ótti. Vedomstvo oqıǵaǵa qatysty tergeý júrgizip jatyr.
