«Nazarbaev Ziiatkerlık mektepterı» derbes bılım beru ūiymynda Nauryz kezdesulerı ötude. Biylǧy jyly köktemgı dästürlı ǧylymi jobalar baiqauy qazırgı zamannyŋ eŋ özektı basymdyqtarynyŋ bırı – «Jasandy intellekt jäne mehatronika» taqyrybyna arnaldy.
Ekı kün boiy Ziiatkerlık jäne jalpy bılım beretın mektepterdıŋ oquşylary qazaq, aǧylşyn jäne orys tılderınde onlain formatta vebinarlardy tyŋdady, onda jasandy intellekt, sifrly tehnologiialar, robototehnika, injeneriia, säulet jäne ekologiia salasyndaǧy tanymal otandyq jäne şeteldık spikerler söz aldy.
Olardyŋ qatarynda Avstraliiadan su kölıkterı türlerı boiynşa sarapşy Brendan Norman, reseilık «R:ED» kompaniiasynyŋ bılım beru jobalaryn damytu bölımınıŋ basşysy Alisa Bolşakova, Nazarbaev Universitetınıŋ ǧylymi qyzmetkerı Janat Mahataeva jäne basqa da bedeldı ǧalymdar bar.
Al kezdesudıŋ basty tūstary eş özgerıssız qaldy. Zertteu jürgızuge qūştarlyq, jas ǧalymdardyŋ batyldyǧy, tamaşa teoriialyq daiyndyq, jaŋa jobalarǧa şabyt beretın komandalyq ruh – barlyǧy sol qalpynda saqtalǧan.
Brenden myrzanyŋ sutegı qozǧaltqyştary jäne bızdıŋ elderdegı lastanu paiyzyn azaitu joldary turaly äŋgımege negızdelgen därısı maǧan qatty äser ettı. Sonymen qatar, bız kölıkterımızdı jetıldıru joldary men sutegı qozǧaltqyştary qalai jūmys ısteitının bıldık. Jalpy, vebinarlar mazmūndy jäne öte qyzyqty öttı, - deidı Vladislav Soi, №20 liseiınıŋ 9-synyp oquşysy.Oquşylar äigılı şveisariialyq futurolog Gerd Leonhardtyŋ qosyluyn asyǧa küttı, onyŋ vebinar taqyryby erekşe qyzyǧuşylyq tudyrdy - «Maşinalar men adamzattyŋ bolaşaǧy. Jasandy intellekt jäne adam intellektısı».
Bız özgerıster älemıne nyq qadam basyp kelemız. Özgerısterge kvanttyq kompiuterler, ärtürlı tılderdı qaita öŋdeu, blokchein, 3D basyp şyǧaru, gendık injeneriia, virtualdy şyndyq siiaqty zattar kıredı. Basynda būnyŋ bärı baiau, bırtındep damidy degen oida boldyq, alaida būl prosester äp-sätte jäne tez dami bastady, – deidı Gerd Leonhard, – Adamzattyŋ ızdegenı adamdarǧa ūqsaityn maşinalar emes, paidaly zattar, ziiatkerlık kömek boluy kerek.Bügıngı nauryzdaǧy praktikalyq sabaqtar topografiiadaǧy Pifagor teoremasy, ǧaryştyq materialdardy qūru jäne himiia, biologiia, fizika, matematika jäne informatika salasyndaǧy basqa da jobalarǧa arnaldy. Taldyqorǧan qalasyndaǧy Nazarbaev Ziiatkerlık mektebınde «Jer sılkınısterın tüsınuge arnalǧan matematikalyq modeldeudı qoldanu» master-klassy öttı. Būl praktikalyq sabaqta oquşylar jer sılkınısı turaly mälımetterdı vizualizasiialau üşın seismograf qūryp, jer sılkınısınıŋ äserın azaituǧa qoldanylatyn zamanaui injenerlık ädısterdı zerttedı.
Bızdıŋ qūrylǧy seismikalyq belsendılıktı boljaidy. Dizain üşın bız Arduino platosyna negızdelgen qūrastyru men baǧdarlamalaudy qoldandyq. Būl jobany jüzege asyru geografiia, fizika, informatika jäne robototehnika pänderınen bılım aluǧa mümkındık beredı, - dep 9-synyp oquşysy Arujan Mamyrova öz pıkırımen bölıstı.Nauryz kezdesulerınıŋ şeksız ǧylym men şabyttyŋ merekesı ekenın aiqyndai tüstı.
