Saǧyntaev komandasyndaǧy Saǧadiev myrza qirap jatqan auyl mektepterın jöndeu üşın emes, sifrlandyru üşın taǧy qyruar qaryz alatynyn jariialady. Prezident aitqan «Sandyq Qazaqstan» baǧdarlamasyn oryndauda aldyna jan salmaityn ministr Erlan Saǧadiev Düniejüzılık damu bankınen 67 million dollar nesie alamyz dep otyr. Ükımet būl qyruar qarajatqa aimaqtardaǧy bılım oşaqtaryna zamanaui qūral-jabdyqtar satyp almaqşy. Saǧadievtıŋ kezektı josparymen Gülbanu Äniiatqyzy tanysyp qaitty.
Almaty oblysy Aqtütek auylyndaǧy būl mekteptıŋ oquşylaryna ministr Erlan Saǧadiev jar salyp aityp jürgen «Sandyq Qazaqstannyŋ» iısı de barmaǧan siiaqty. Sebebı salynǧanyna 40 jyldan asqan bılım oşaǧyna bırde bır ret kürdelı jöndeu jasalmaǧan. Edenı şırıp, tösenışterı jyrtylyp, är jerınen su tamşylap tūr. Sebep bıreu-aq, biudjette aqşa joq. Al, bügın Saǧadiev däl osyndai auyl mektepterınıŋ 62 paiyzyn zamanaui qūral jabdyqtarmen jabdyqtaimyn dep deputattardyŋ aldynda esep berdı. Ol üşın Düniejüzılık Damu bankınen 67 million dollar qaryz almaq.
ERLAN SAǦADİEV, QR Bılım jänı ǧylym ministrı:
– Būl alynyp jatqan qarajat auyl mektepterı men mūǧalımder üşın asa tiımdı.
Saǧadievke sensek, 17 jylǧa nesiege alyp otyrǧan būl milliondar qala men auyl mektepterın tehnika jaǧynan teŋestırmek. Iаǧni, auyldaǧy 5 jarym myŋ bılım oşaǧyna multimedialyq-interaktivtı taqtalar alyp, kompiuter ornatylady eken. Ükımettıŋ būlaişa qaita qaita qaryzǧa bata beruıne bır ekı deputat qarsy şyqqandai boldy. Öitkenı, bılım salasyna onsyz da jyl saiyn qazynadan milliardtar bölınedı deidı mäjılısmender.
KÄRIBAI MŪSYRMAN, QR Parlamentı Mäjılısınıŋ deputaty:
– Nege qaryzdyŋ bır bölıgın respublikalyq biudjette körsetılgen baǧytqa alyp otyrsyzdar?
Ministr būl baǧyttyŋ mazmūny bölek dep qūtylyp kettı. Osylaişa, köp tartysyp qinalmaǧan deputattar aqyry Düniejüzılık bankten nesie aluǧa kelısım berdı. Al, alynǧan qūraldardyŋ sapasyn özımız baqylap otyramyz deidı.
BAQTİIаR MÄKEN, QR Parlamentı Mäjılısınıŋ deputaty:
– Mūny endı alǧandyqtan tiımdı paidalanu üşın özımız baqylap otyramyz.
GÜLBANU ÄNİIаTQYZY, tılşı:
– Sondai-aq būdan bylai joǧary oqu oryndary aqyly bılımnıŋ baǧasyn özderı belgıleitın boldy. Bılım ministrı bılımnıŋ qūny memlekettık granttan ne arzan ne qymbat bolmauy kerek degen normany alyp tastaudy ūsyndy. Osylaişa, universitetterde aqyly oqudyŋ qūny qanşa bolatynyn endı eşkım naqty aita almaidy.
____________________________________________________________________________________________________________________
31.kz
Gülbanu Äniiatqyzy,
Nūrken Toqmurzin
Ūqsas jaŋalyqtar
