Soltüstık Qazaqstan oblysynda «Serpın» baǧdarlamasymen bılıp alyp jatqan jastardyŋ köbı orys tılın jetık bılmeuıne bailanysty jūmyssyz qaluy mümkın.
Oŋtüstıkten kelıp, denı mūǧalım mamandyǧyn igergen olar tek qazaq tılınde sabaq bere alady eken. Al öŋırde qazaqşa mektepterdıŋ sany tym az. Barynyŋ özı tym şalǧai auyldarda.
«Negızı ūsylynyp jatqan vakansiialardyŋ barlyǧy orys tılınde. Men özım qazaq tılınde bılım alǧandyqtan, maǧan orys tılınde beruge menıŋ mümkındıgım joq. Maǧan negızınen qazaq tılınde ūsynylyp otyrǧan vakansiialar köbınese auyldyq jerderden alys jerlerden bolyp tūr. Jäne de qaladan Petropavl qalasynan alys jerde. Jäne de ekınşı problema tuǧyzyp tūrǧan jatatyn oryn bolyp tūr. Baspana mäselesı bolyp tūr», - deidı M.Qozybaev atyndaǧy SQMU studentı Meruert Ahmet.
Ärine, 4 jylda qalaǧa üirengen jastar 300-400 şaqyrym jerdegı auyldarǧa barǧysy kelmeidı. Onyŋ üstıne ondaǧy şaǧyn mektepterde saǧat sany tabylyp, jalaqysynyŋ tiıstı deŋgeide bolatynyna da eşkım kepıl bermeidı.
Demografiialyq ahualy müşkıl terıskeide halyq sanyn köbeituge baǧyttalǧan «Serpın» baǧdarlamasy boiynşa öŋırde bır jarym myŋ student bılım alyp jatyr. Onyŋ 130-y joǧary oqu ornyn biyl tämamdaidy. Būlar atalǧan baǧdarlamanyŋ alǧaşqy tülekterı bolmaq.
Bügın solarmen kezdesken atqamınerler audan äkımderımen keŋesıp, tülekterdı terıskeide qaldyruǧa tyrysatynyn jetkızdı. Sondai-aq, maqsaty däl osyndai özge baǧdarlama boiynşa biyl soltüstıkke 700-dei otbasy qonys audaruy tiıs eken. Şendıler biylǧy tülekterdı de soǧan qatystyryp, bır oqpen ekı qoian atyp almaqşy.
sn.kz
