Türkiia prezidentı Rejep Taiyp Erdoǧan 24 nauryzda Briusselde ötken baspasöz mäslihatynda söz söiledı, dep habarlaidy "Adyrna" ūlttyq portaly.
Erdoǧan öz sözınde Reseimen de, Ukrainamen de diplomatiialyq qarym-qatynasta ekenın atap öttı.
"Bız ekı tarappen de diplomatiialyq bailanystamyz, barlyq ūsynystardy talqylap, beibıtşılık ornatuǧa baǧyttalǧan barlyq bastamalardy qoldaimyz... Türkiia Ukrainanyŋ aumaqtyq tūtastyǧy men egemendıgın qoldaidy. 2014 jyldan bastap bızdıŋ elımız Ukraina halqy men Ükımetıne tolyq qoldau körsetıp keledı. Bız Qyrymdy okkupasiialaudy moiyndamaimyz jäne kez-kelgen jaǧdaida öz pozisiiamyzdy qaitalaimyz... Resei men Ukraina-bızdıŋ körşılerımız. Bızdıŋ Ukrainamen qarym-qatynasymyzdyŋ ūzaq tarihy bar, olar köpjaqty yntymaqtastyqqa negızdelgen jäne strategiialyq serıktestıkke qol jetkızdı. Reseimen qatynastar özara qauıpsızdık jäne dialog qaǧidattaryna negızdelgen", - dedı Türkiia prezidentı.Erdoǧan aldaǧy uaqytta soǧys qimyldaryn toqtatuǧa barynşa qamdanatynyn atap öttı.
"Türkiia 11 jyl boiy Siriia soǧysynyŋ auyrtpalyǧyn jalǧyz özı köterıp keledı. Bız äskeri qaqtyǧystar nätijesınde tuyndaityn gumanitarlyq problemalardy jaqsy bılemız. Osy sebeptı türık diplomatiiasynyŋ bırınşı mındetı – soǧys qimyldaryn toqtatu. Ukrainadaǧy beibıtşılık ekı el men älemdık qauymdastyqqa säikes keletın formula boiynşa qamtamasyz etıluı kerek. Būl tūraqty jäne berık beibıtşılık boluy kerek... Bız 63 myŋnan astam beibıt tūrǧyndardy soǧys jürıp jatqan aimaqtardan qansyz köşıruge qol jetkızdık. Türkiia azamattarynyŋ negızgı qajettılıkterı üşın gumanitarlyq kömekpen bırge 56 jük kölıgın jıberdı. Bız 60 myŋnan astam Ukraina azamatyn qabyldap, özımızge panalattyq. EQYŪ-nyŋ Ukrainadaǧy baqylau missiiasynyŋ 142 müşesı Stambul arqyly evakuasiialandy. Türkiia soŋǧy 8 jylda 5 million bosqyndy qabyldady, būl älemdegı kez kelgen elde qaraǧanda köp. Türkiia belsendı jäne prinsiptı saiasat ūstanuda. Bızdıŋ saiasatymyzdyŋ basty şarty – NATO aiasyndaǧy Euro-Atlantikalyq keŋıstıktıŋ qauıpsızdıgı... Bız NATO sammitınde qabyldanǧan şeşımderdıŋ üşınşı elderge qarsy baǧyttalmaǧanyn, eşkımdı qorqytpaitynymyzdy barlyq elderge jetkızuge mındettımız", - dep mälımdedı Rejep Taiyp Erdoǧan.Sonymen qatar ol Ukrainadaǧy äskeri qaqtyǧystar älemdık tärtıptıŋ, halyqaralyq qūqyqtyŋ tiımsızdıgın körsetkenıne toqtaldy.
"Bızdıŋ küş-jıgerımız älemdegı qauıpsızdıktı qamtamasyz etuge qyzmet etedı. Türkiia alianstyŋ qaǧidalaryna adal jäne ony sözben emes, ıs jüzınde körsetude. Bızdıŋ äskeri önerkäsıbımız sapaly jaŋa deŋgeige köterıldı, būl äskeri äleuettıŋ keŋeigenın körsetedı. Bızdıŋ keibır ärıptesterımız engızgen äskeri önerkäsıbımızge qatysty şekteulerdı alyp tastaityn kez keldı... Siriiadaǧy, Liviiadaǧy, Iemendegı, al qazır Ukrainadaǧy äskeri qaqtyǧystar älemdık tärtıptıŋ, halyqaralyq qūqyqtyŋ synǧyştyǧy men tiımsızdıgın taǧy bır ret aiǧaqtaidy. Būl BŪŪ-da, ony qadaǧalaityn ūiymda jiı baiqalady. Jahandyq qauıpsızdık arhitekturasy, onyŋ ışınde BŪŪ Qauıpsızdık keŋesı maŋyzdy reformalardy qajet etedı", - dep tolyqtyrdy sözın Türkiia basşysy.
"Adyrna" ūlttyq portaly
