Ädılet ministrı Qanat Musin ükımet saǧatynan soŋ jurnalisterdıŋ sūraqtaryna jauap berdı. Ministr Orda.kz jurnalisıne Nazarbaevtyŋ tuystary turaly aqparatpen bölıstı, dep jazady "Adyrna" ūlttyq portaly.
Qanat Musinnıŋ aituynşa Nazarbaevtyŋ jien bauyrlary, ınılerı memleket qaramaǧyndaǧy tuystarynyŋ qataryna kırmeidı.
Būl turaly ol Qairat Satybaldyny tūtqyndau qanşalyqty zaŋdy degen sūraqqa jauap bergen kezınde habarlaǧan. Basqa jurnalister osy sūraqtyŋ maǧynasyn aşu maqsatynda taǧy bırneşe sūraq qoiyp, ministrdıŋ ūrtynan Dariǧa Nazarbaeva men Nūrsūltan Nazarbaevty ūstauǧa nemese qamauǧa aluǧa bolmaidy degen jauap aldy.
– Joq, būl adamdardy ūstauǧa jäne qamauǧa aluǧa bolmaidy. Zaŋ būǧan tyiym salady. Bıraq olarǧa sūraq qoiuǧa jäne jauap aluǧa tyiym joq, – deidı ministr Musin.Sonymen qatar, ädılet ministrlıgı būrynǧy prezidenttıŋ märtebesı turaly zaŋǧa özgerıster engızudı josparlap otyrǧan joq ekendıgın jetkızdı.
"Adyrna" ūlttyq portaly
