2022 jylǧy 28 nauryzda Nūr-Sūltan qalasynda QR Premer-Ministrı Älihan Smaiylovtyŋ töraǧalyǧymen Daǧdarysqa qarsy şaralar jönındegı jedel ştabtyŋ kezektı otyrysy öttı, dep habarlaidy «Adyrna» tılşısı primeminister.kz-ke sılteme jasap.
Keŋeste Qazaqstan Respublikasynyŋ qūrylys jäne tūrǧyn üi salalaryn damytu perspektivasy qaraldy.
İndustriia jäne infraqūrylymdyq damu ministrlıgınıŋ aldyn ala boljamdary boiynşa 2022-2025 jyldar aralyǧynda Qazaqstanda 62 mln şarşy metr tūrǧyn üi salynady dep kütılude. Sonymen qatar 5 201 memlekettık nysannyŋ qūrylysy jürgızılıp jatyr, onyŋ 2 137-sı memleket qarajaty esebınen salynuda.
Qazırgı kezde 286 nysannyŋ qūrylysy toqtatyldy. 84 nysanda jūmystardyŋ toqtauyna baǧanyŋ qymbattauy sebep bolsa, 202 qūrylys basqa da sebepter boiynşa (aua raiyna, mausymdyq şekteuler jäne t.b. bailanysty) toqtatyldy.
QR industriia jäne infraqūrylymdyq damu ministrı Qaiyrbek Öskenbaevtyŋ aituynşa, ärbır nysan boiynşa jaǧdai saraptalyp, jūmystardy qaita bastau mümkındıgı qarastyrylyp jatyr. QR Premer-Ministrı nysandardy saluǧa ötkızıletın memlekettık konkurstardyŋ josyqsyz ūiymdastyruşylaryn jauapkerşılıkke tartu boiynşa şaralar qabyldaudy tapsyrdy.
«Biudjettık qarjylandyrusyz qūrylystarǧa konkurstar jariialanady. Būl – zaŋ tärtıbın būzu. Kınälı tūlǧalardy tiıstı jauapkerşılıkke tartudy qarastyru qajet», — dedı Älihan Smaiylov.
