Kóp jaǵdaıda biz aǵylshyn tilin úırený úshin orys tili arqyly qabyldaımyz. Ol túpki maǵynanyń burmalanýy, tikeleı aýdarylýy jáne kóptegen túpnusqalyq mádenıettińsezinbeýi nemese orys tili dúnıetanymy sheńberinde qabyldaýyna alyp keledi. Osy máselege baılanysty otandyq lıngvıster«Qazaq-aǵylshyn tili jáne lıngvıstıka»(KELL) mamandyǵyn oqytý baǵdarlamasyn usyndy.
Jańa mamandyq týraly Halyqaralyq «Qazaq tili» qoǵamynyń prezıdenti, QR Parlamenti Májilisiniń depýtaty Berik Ábdiǵalıulymen bolǵan kezdesýde tanystyryldy.
«Qazaq-aǵylshyn tili jáne lıngvıstıka» (KELL)oqytý baǵdarlamasynyń negizgi maqsaty – eki tildiń lıngvıstıkalyq erekshelikterin tereń meńgertip, sol tilderdi úıretýde zamanaýı ádisterdi qoldana alatyn, túrli ortada óziniń oıyn eki tilde de anyq jetkize alatyn, BAQ aıasynda qajetti daǵdylardy meńgergen, jan-jaqty til mamanyn daıyndaý.
M.S.Narıkbaev KAZGIýÝ Ýnıversıteti «Qazaq-aǵylshyn tilderi jáne lıngvıstıka» bilim berý baǵdarlamasynyń koordınatory, fılolog Aqerke Salımovanyń aıtýynsha, «Oqý baǵdarlamasynyń 60% aǵylshyn tilinde júrgiziledi. Bul stýdentterge lıngvıstıka salasynda júrgizilgen úzdik zertteý jumystarymen túpnusqada tanysyp, ony qazaq til biliminde qoldanýlaryna múmkindik beredi. Mamandyqqa túsetin túlekterdiń aǵylshyn tili deńgeıleriniń tómen bolý yqtımaldylyǵyn eskere otyryp, baǵdarlamany soǵan saı qurastyrdyq. «Qazaq-aǵylshyn tili jáne lıngvıstıka» baǵdarlamasyna qabyldanǵan stýdentter bastapqy oqý jyldarynda aǵylshyn tili boıynsha ózderiniń deńgeılerin joǵarylatyp, qazaq tili boıynsha mektep qabyrǵasynda alǵan bilimderin tereńdetedi. Al joǵarǵy kýrstarda qazaq-aǵylshyn tilindegi bilimderin kásibı jáne ǵylymı turǵydan jetildiredi».
Jańadan ashylǵan mamandyq KAZGIýÝ Ýnıversıteti bazasynda sońǵy eki jylda oqytylyp kele jatyr. Mamandyqqa túsý úshin talapker qazaq tili men ádebıeti pánderin tańdaý kerek! Sondaı-aq, bolashaq túlekter qazaq tili muǵalimi nemese qazaq fılologııasy baǵytyna ǵana shektelmeı, aǵylshyn tilin de tereń meńgerip, sheteldik ozyq zertteýler men oqytýdaǵy tájirıbelerdi beıimdep, qazaq tiliniń tabıǵatyn sezinetin lıngvıst maman bolyp qalyptasatyny sózsiz.
Qazaq jáne aǵylshyn tilderin meńgergen maman orys tiliniń kómeginsiz qazaq tilinen aǵylshyn tiline erkin aýdarma jasaı alady. Ol qazirgi tańdaǵy eń kerekti daǵdy.
