Köp jaǧdaida bız aǧylşyn tılın üirenu üşın orys tılı arqyly qabyldaimyz. Ol tüpkı maǧynanyŋ būrmalanuy, tıkelei audaryluy jäne köptegen tüpnūsqalyq mädeniettıŋsezınbeuı nemese orys tılı dünietanymy şeŋberınde qabyldauyna alyp keledı. Osy mäselege bailanysty otandyq lingvister«Qazaq-aǧylşyn tılı jäne lingvistika»(KELL) mamandyǧyn oqytu baǧdarlamasyn ūsyndy.
Jaŋa mamandyq turaly Halyqaralyq «Qazaq tılı» qoǧamynyŋ prezidentı, QR Parlamentı Mäjılısınıŋ deputaty Berık Äbdıǧaliūlymen bolǧan kezdesude tanystyryldy.
«Qazaq-aǧylşyn tılı jäne lingvistika» (KELL)oqytu baǧdarlamasynyŋ negızgı maqsaty – ekı tıldıŋ lingvistikalyq erekşelıkterın tereŋ meŋgertıp, sol tılderdı üiretude zamanaui ädısterdı qoldana alatyn, türlı ortada özınıŋ oiyn ekı tılde de anyq jetkıze alatyn, BAQ aiasynda qajettı daǧdylardy meŋgergen, jan-jaqty tıl mamanyn daiyndau.
M.S.Narikbaev KAZGIýU Universitetı «Qazaq-aǧylşyn tılderı jäne lingvistika» bılım beru baǧdarlamasynyŋ koordinatory, filolog Aqerke Salimovanyŋ aituynşa, «Oqu baǧdarlamasynyŋ 60% aǧylşyn tılınde jürgızıledı. Būl studentterge lingvistika salasynda jürgızılgen üzdık zertteu jūmystarymen tüpnūsqada tanysyp, ony qazaq tıl bılımınde qoldanularyna mümkındık beredı. Mamandyqqa tüsetın tülekterdıŋ aǧylşyn tılı deŋgeilerınıŋ tömen bolu yqtimaldylyǧyn eskere otyryp, baǧdarlamany soǧan sai qūrastyrdyq. «Qazaq-aǧylşyn tılı jäne lingvistika» baǧdarlamasyna qabyldanǧan studentter bastapqy oqu jyldarynda aǧylşyn tılı boiynşa özderınıŋ deŋgeilerın joǧarylatyp, qazaq tılı boiynşa mektep qabyrǧasynda alǧan bılımderın tereŋdetedı. Al joǧarǧy kurstarda qazaq-aǧylşyn tılındegı bılımderın käsıbi jäne ǧylymi tūrǧydan jetıldıredı».
Jaŋadan aşylǧan mamandyq KAZGIýU Universitetı bazasynda soŋǧy ekı jylda oqytylyp kele jatyr. Mamandyqqa tüsu üşın talapker qazaq tılı men ädebietı pänderın taŋdau kerek! Sondai-aq, bolaşaq tülekter qazaq tılı mūǧalımı nemese qazaq filologiiasy baǧytyna ǧana şektelmei, aǧylşyn tılın de tereŋ meŋgerıp, şeteldık ozyq zertteuler men oqytudaǧy täjıribelerdı beiımdep, qazaq tılınıŋ tabiǧatyn sezınetın lingvist maman bolyp qalyptasatyny sözsız.
Qazaq jäne aǧylşyn tılderın meŋgergen maman orys tılınıŋ kömegınsız qazaq tılınen aǧylşyn tılıne erkın audarma jasai alady. Ol qazırgı taŋdaǧy eŋ kerektı daǧdy.
