Almatyda 5 adamdy atyp óltirgen Igor Dýjnovtyń isi Qylmystyq ister jónindegi mamandandyrylǵan aýdanaralyq sotynda qaralyp jatyr, dep habarlaıdy «Habar 24». Bul týraly "Adyrna" ulttyq portaly jazady.
Qandy oqıǵa byltyr kyrkúıek aıynda boldy. Sot sheshimi boıynsha satylyp ketken úıden Dýjnovty shyǵarýǵa kelgen eki tártip saqshysy, sot oryndaýshy, úıdiń ıesi men kýáger oqqa ushyp, mert bolǵan. Qamaýǵa alynǵan Dýjnov oqıǵadan keıin óz kinásin moıyndaǵan edi. Biraq búgin sot otyrysynda sózinen jaltaryp, «taǵylǵan aıyptarmen tolyq kelispeımin» dep málimdedi. Asa aýyr qylmystar jasady dep aıyptalǵan almatylyq atqysh ómir boıy bas bostandyǵynan aıyrylýy múmkin. Sondaı-aq sot otyrysynda jábirlenýshi tarap sottan Dýjnovtyń áıeli Anaıd Demırchıandy da qylmystyq jaýapkershilike tartýdy surady. Ázirge kýágerlerden jaýap alynyp jatyr.
«Dýjnov QR QK 99, 172, 308, 408 baptary boıynsha adamǵa, beıbitshilik pen qaýipsizdikke, qoǵamdyq tártipke, ákimshilik, sot tóreligi men jazany oryndaý tártibine qarsy aýyr jáne asa aýyr qylmystar jasady dep aıyptalyp otyr», - dedi qala prokýrorynyń kómekshisi Álisher Myrzahanov.
"Adyrna" ulttyq portaly
