Astanada 2019 jylǧy şıldeden berı Ūlttyq ǧylymi onkologiia ortalyǧy salynyp jatyr. Nysan qūrylysy bastalar aldynda Senatta ötken jiynda sol kezdegı densaulyq saqtau ministrı Eljan Bırtanov onkoortalyqtyŋ qūrylysyna 70 mlrd teŋge jūmsalatynyn aitqan. Alaida memlekettık satyp alu portalyndaǧy derekke nazar salsaq, bastapqyda josparlanǧan qarjy edäuır köbeiıp ketkenın baiqauǧa bolady.
Qazaqstan ükımetı jaŋa onkoortalyqty şveisariialyq «B&A CONTRACTORS SA» kompaniiasy salady dep şeşım şyǧarǧan. Soǧan säikes, Densaulyq ministrlıgı 2019 jyly 15 şıldede atalǧan kompaniiamen memsatyp alu portaly arqyly kelısımşart jasasty. Sol kezden berı kelısımşart 14 ret özgergen. Biylǧy 2 nauryzdaǧy özgerıske säikes, kelısımşart qūny 92 mlrd 960 mln teŋge.
Portalda joba biudjetı ne sebeptı köbeiıp ketkenı tüsındırılmegen. Jalpy portaldaǧy kelısımşartta onkoortalyq qūrylysy jaily tolyq mälımet joq. Tenderdegı negızgı qūjat sanalatyn tehsipattama portalǧa jüktelmegen. Sondyqtan da bölıngen qarjy jūmys kölemıne sai ne sai emes ekenın anyqtau mümkın emes.
Taǧy bır eskeretın jait, ükımet jospary boiynşa jaŋa onkortalyq 2021 jyly aşylyp, 2022 jyly B&A CONTRACTORS SA kompaniiasy astanadaǧy eskı onkoortalyq ǧimaratyn qaita jaŋartuǧa kırısuı tiıs edı. Alaida bilık «Ortalyq Aziiadaǧy teŋdessız onkoortalyq bolady» dep maqtaǧan nysan qūrylysy älı aiaqtalǧan joq.
Memsatyp alu portalyndaǧy derekke süiensek, densaulyq saqtau ministrlıgı 2019 jyldan berı merdıger kompaniia esepşotyna 24,5 mlrd teŋge audarǧan. Bıraq aşyq derekközderdegı aqparatqa qaraǧanda, şveisariialyq B&A CONTRACTORS SA kompaniiasy 2014 jyldan berı qazynaǧy 32-aq myŋ teŋge salyq tölegen. Būl şeteldık firmanyŋ elımızden jyl saiyn milliardtap paida tauyp otyrǧan eskersek, 32 myŋ teŋge ǧana salyq tölegenı aqylǧa qonymsyz.
Jalpy astanadaǧy onkoortalyq şveisariialyq kompaniianyŋ Qazaqstandaǧy alǧaşqy jūmysy emes. İnternettegı aqparatqa qaraǧanda, būl kompaniia Respublikalyq diagnostikalyq ortalyqty, Ana men bala ūlttyq ǧylymi ortalyǧyn, Ūlttyq ǧylymi kardiohirurgiialyq ortalyǧyn, Respublikalyq velotrektı, «Astana opera» opera jäne balet teatryn salǧan. Tıptı kei mälımetterge qaraǧanda, şveisariialyq kompaniianyŋ Aqorda, Syrtqy ıster ministrlıgınıŋ ǧimaraty syndy nysandardy saluǧa da qatysy bar.
Demek, B&A CONTRACTORS SA Qazaqstan ükımetınıŋ ūzaq jyldan bergı serıktesı deuge negız bar.
Miiat Käşıbai,
Telegram-paraqşasynan
