«AMANAT» partiiasy janynan «TALQYLAU» qoǧamdyq dialog alaŋy jūmysyn bastady

Bügın «AMANAT» partiiasynyŋ Qoǧamdyq saiasat instituty janynan «TALQYLAU» jaŋa dialog alaŋy öz jūmysyn bastady. Parlament deputattarynyŋ, sarapşylar men qoǧam belsendılerınıŋ qatysuymen ötken alǧaşqy talqylau Memleket basşysynyŋ Joldauyna jäne aralas sailau jüiesıne köşuge arnaldy. Talqylau äleumettık jelılerde tıkelei efirde taratu arqyly interaktivtı formatta öttı. «AMANAT» partiiasy aşyq, käsıbi jäne teŋ jaǧdaida – jariia dialogtyŋ jaŋa standartyn qalyptastyrady. Otyrystyŋ negızgı uaqyty saiasi jüienı transformasiialau jäne aralas sailau jüiesıne köşu turaly pıkırtalastarǧa arnaldy. Būl rette, spikerlerge sūraqtardy zaldaǧy sarapşylar men qatysuşylar ǧana emes, sonymen qatar onlain-körermenderdıŋ de qoiuyna mümkındıgı boldy. Jalpy, 700-den astam pıkır men sūraqtar kelıp tüstı. «TALQYLAU»-dyŋ alǧaşqy otyrysyn aşqan «AMANAT» partiiasynyŋ Atqaruşy hatşysy Ashat Oralov Prezident jariialaǧan reformalar Qazaqstannyŋ memlekettık qūrylysy tarihynyŋ jaŋa kezeŋıne bastaitynyn atap öttı. «Sailau turaly zaŋnamaǧa özgerıster engızıledı. Būl eldegı demokratiialyq özgerısterdıŋ katalizatory men negızıne ainalatyny sözsız. Saiasi partiialardy tırkeu resımderın jeŋıldetu jaŋa saiasi qozǧalystardyŋ qūryluyna serpın beredı jäne jūmys ıstep tūrǧan saiasi bırlestıkterdıŋ öz qyzmetın jandandyruyna alyp keledı. Būl baǧytta «AMANAT» partiiasy belsendı jūmys ısteude. Sezden berı bır aiǧa da jetpeitın uaqyt öttı. Soǧan qaramastan onyŋ barysynda aitylǧan mındetter men bastamalar bügınde ıske asyrylyp jatyr jäne «TALQYLAU» - sol bastamalardyŋ bırı», - dep atap öttı partiianyŋ Atqaruşy hatşysy. Öz kezegınde, «AMANAT» partiiasy deputattyq fraksiiasynyŋ müşesı Saiasat Nūrbek talqylau alǧaş ret tıkelei efirde ötıp jatqanyn alǧa tartyp, «Bız bügın qūrylymdanbaǧan, senzuradan ötpegen aşyq dialog dästürın bastaimyz dep ümıttenemız. Būl Prezident joldauy aiasynda öte maŋyzdy, öitkenı «Jaŋa Qazaqstan» jūmysyn jaŋa qaǧidattar men jaŋa jūmys formattarynan bastau kerek», - dedı. «Qazaqstannyŋ Azamattyq Aliansy» ZTB prezidentı Banu Nūrǧazieva myqty qoǧamsyz myqty memleket qūru mümkın emes degen pıkır bıldırdı. «Bız jaŋa reformalarǧa daiynbyz. Jūrtşylyq köp närse özgeredı degen ümıtpen Joldaudy yqylaspen qabyldady. Azamattyq qoǧam ökılderımen bırlesıp zaŋnamalyq özgerısterge qatysty köptegen jūmys atqarylady dep kütemız», - dedı ol. Parlament Mäjılısınıŋ deputaty Berık Äbdıǧaliūlynyŋ aituynşa, qazır elımızdı jaŋa deŋgeige köteruge ülken mümkınşılık bar. Ol üşın Jaŋa Qazaqstanda özgerıstı ärkım özınen bastauy kerek. «30 jylda jetken jetıstıkterımız bar. Bıraq kemşılıkterımız de az emes. Jaŋa Qazaqstanda partiiadan bastap, ärbır azamatqa deiın, auyl äkımınen Prezidenttıŋ jūmysyna deiıngı jıberılgen kemşılıkterdı anyqtap, tıptı, sonyŋ tızımın de jasasaq. Biudjettı qūruda bızde köptegen gigantomaniia boldy. Qanşama milliardtaǧan qarajat basqa jaqqa jūmsalyp, al myna jaqta halyq üisız-küisız jürdı. Onyŋ barlyǧy kemşılık pe? Ärine, kemşılık. Sondyqtan Prezidenttıŋ aitqany, bırınşı kezekte basymdyq özgeruı kerek. Ol üşın halyqtyŋ jaǧdaiyna qarau qajet. Barlyǧynyŋ ölşem – adam. Mıne, qazırgı bızdegı naǧyz qaǧida osy. Bırtındep soǧan kele jatyrymyz»,- dedı deputat. «Halyq ünıne qūlaq asatyn memleket» turaly aitqanda, bız ärqaşan «qūlaq asatyn memleket» jaǧdaiynda «aitatyn» qoǧam qajet ekenın tüsınuımız kerek. Eger aşyq «aitatyn» qoǧam bolmasa, onda olar kımnıŋ ünıne qūlaq asuy kerek? Endı bız prosestı jyldamdatu kerek. Öitkenı Joldauda ideialar ǧana aityldy, al olardy qalai jüzege asyratynymyzdy bız bırge oilanuymyz kerek. «AMANAT» partiiasy özınıŋ alǧaşqy özgerısterın aşyq alaŋnan bastaǧany jäne bızdı şaqyrǧany qūptarlyq», - dedı qoǧam qairatkerı, «Serpın» Ūlttyq bılım jäne innovasiialar palatasynyŋ prezidentı Mūrat Äbenov. Sondai-aq, QR Prezidentı janyndaǧy QSZİ direktory Erkın Tūqymov, Europalyq qūqyq jäne adam qūqyqtary institutynyŋ direktory Marat Bäşımov, Qazaqstandyq qoǧamdyq damu institutynyŋ basqarma töraǧasy Qazbek Maigeldinov, QR BǦM Ǧylym komitetınıŋ Memleket tarihy instituty direktorynyŋ orynbasary Bürkıtbai Aiaǧan, Parlament Mäjılısınıŋ deputaty Tılektes Adambekov jäne basqalar öz pıkırlerımen bölıstı. Kelesı «TALQYLAU» otyrysy podkast jazbasy, debattar, pıkırtalastar siiaqty türlı formatta ötedı. Ärı qarai taqyryptar Qoǧamdyq saiasat institutynyŋ Telegram-arnasynda dauys beru qorytyndysy boiynşa anyqtalatyn bolady. Esterıŋızge sala keteiık, «TALQYLAU» pıkırtalas alaŋyn qūru bastamasy 1 nauryzda ötken kezekten tys Sezde partiiany transformasiialau baǧdarlamasynyŋ bır tarmaǧy retınde jariialanǧan edı. Alaŋda azamattardy tolǧandyratyn özektı mäselelerdı şeşetın ūsynystar äzırleu üşın sarapşylar, deputattar, memlekettık organdar men ÜEŪ ökılderı tūraqty türde kezdesedı. Sonymen qatar, pıkırtalas «Aiqyn» jäne «Liter» gazetterınıŋ arnaiy aidarlarynda jariialanatyn bolady.