"Dikii Arman" laqap atymen tanymal Arman Jūmageldievtıŋ qamauǧa alu merzımı 7 mausymǧa deiın ūzartyldy. Būl turaly Bas prokuratura mälımdedı,, - dep habarlaidy “Adyrna” ūlttyq portaly Tengrinews.kz saityna sılteme jasap.
"4 säuırde Almatynyŋ mamandandyrylǧan audanaralyq tergeu soty Arman Jūmageldievtıŋ qamauǧa alu türındegı būltartpau şarasyn 2022 jyldyŋ 7 mausymyna deiın ūzartty", - dedı Jarylqasyn.
Bas prokuratura mälımetınşe, Jūmageldiev myna baptar boiynşa küdıktı retınde qamauǧa alynǧan:
- QK 287-baby, 4-bölıgı "Adamdar tobynyŋ aldyn ala söz bailasuymen nemese birneşe ret qarudy, oq-därilerdi, jarylǧyş zattardy jäne jarylys qūrylǧylaryn zaŋsyz iemdenu, beru, ötkizu, saqtau, tasymaldau nemese alyp jüru";
- QK 272-baby , 2-bölıgı "Küş qoldanumen, qiratumen, örteumen, būzumen, mülikti joiumen, atys qaruyn, jarylǧyş zattardy nemese jarylys qūrylǧylaryn qoldanumen, sondai-aq bilık ökiline qaruly qarsylyq körsetumen ūlasqan, onyŋ ışınde şeteldık közderden alynǧan qarajatty paidalana otyryp jappai tärtipsizdikke qatysu";
- QK 126-baby, 3-bölıgı, 3-tarmaqşasy "Adamdy bas bostandyǧynan zaŋsyz aiyryp, abaisyzda jäbirlenuşiniŋ ölımıne ne özge de auyr zardaptarǧa äkep soǧu".
”Adyrna” ūlttyq portaly
