Taşkent pen Ankara keŋeitılgen äskeri kelısımge qol qoidy. Būl turaly Türkiianyŋ Ūlttyq qorǧanys ministrlıgınıŋ baspasöz qyzmetı sälımdedı, dep habarlaidy "Adyrna" ūlttyq portaly.
Būl qūjatqa Türkiia prezidentı Rejep Taiyp Erdoǧannyŋ Özbekstanǧa resmi sapary barysynda qol qoiyldy. Ony ekı respublikanyŋ qorǧanys ministrlerı – türık tarapynan Hulusi Akar jäne özbek tarapynan Bahodir Kurbanov maqūldady.
Tolyq aqparat berılgen joq. Kelıssözderden keiıngı baspasöz mäslihatynda Erdoǧan Özbekstanmen qorǧanys önerkäsıbınde yntymaqtastyqty damytu üşın ülken äleuet bar ekenıne nazar audardy.
Prezident Türkiianyŋ būl saladaǧy jetıstıkterı aiqyn ekenın, onyŋ «ülken äleuetı bar» ekenın jäne ony Özbekstanmen bölısuge daiyn ekenın atap öttı.
Özbekstan-Türkiia joǧary deŋgeidegı strategiialyq yntymaqtastyq keŋesı otyrysy bastalar aldynda söz söilegen Erdoǧan Türkiianyŋ jan-jaqty strategiialyq serıktesı, dos jäne bauyrlas el Özbekstanǧa qoldau körsetudı jalǧastyratynyn aitty, dep habarlaidy Anadolu. Ol jinalǧandardy Nauryz merekesımen qūttyqtady.
"Adyrna" ūlttyq portaly
Ūqsas jaŋalyqtar
