AQSh prezıdenti Djo Baıden Reseıge qarsy jańa sankııalar paketin engizetinin málimdedi, - dep habarlaıdy “Adyrna” ulttyq portaly "Golos Amerıkı"saıtyna silteme jasap.
Sankııalar Reseı basshylyǵyna jáne olardyń otbasyna, onyń ishinde, Reseı prezıdenti Vladımır Pýtınniń qyzdaryna, syrtqy ister mınıstri Sergeı Lavrovtyń áıeli men qyzyna, sondaı-aq Reseı Qaýipsizdik keńesiniń múshelerine, onyń ishinde burynǵy prezıdent Dmıtrıı Medvedev pen premer-mınıstr Mıhaıl Mıshýstınge qatysty bolady.
Reseıdegi eń iri qarjy ınstıtýttary Sber men Alfa-bank te sankııaǵa ushyrady. Olardyń AQSh qarjy júıesine qatysty barlyq aktıvi buǵattalady. Endi amerıkalyq kompanııalar men azamattarǵa olarmen bıznes jasaýǵa tyıym salynady.
"Biz eýropalyq odaqtastarymyzben birlese otyryp, reseılik elıta sanalatyndardyń aty-jóni men olardyń otbasy músheleriniń aty-jónin qamtıtyn tizim jasap jatyrmyz. Olar sankııaǵa ilinedi. Osy olıgarhtar jymqyrǵan orasan zor aqshany elestetip kórińizshi. Olardyń ıahtalary júzdegen mıllıon dollar turady. Bul olıgarhtar men olardyń otbasy músheleri budan bylaı kapıtaldaryn Eýropa men AQSh-ta saqtaı almaıdy jáne ıahta, sándi vıllasyn qoldana almaıdy. Biz Ýkraınany.... ýkraındardy óz elin qorǵaýǵa qajet qarý-jaraqpen qamtamasyz etýdi jalǵastyramyz", - dedi Amerıka prezıdenti.
Sarapshylar Batys engizgen sharalar nátıjesi bıyl Reseı ekonomıkasy kólemin 15 paıyzǵa qysqartady dep boljap otyr. Batys sarapshylarynyń pikirinshe, bul sankııalar saldarynan Reseı ekonomıkasy úlken derjava mártebesinen aıyrylýy múmkin.
”Adyrna” ulttyq portaly
