Jeke tūrǧyn üi qūrylysyna jer uchaskesın alu üşın egov.kz arqyly kezekke tūruǧa bolady, dep habarlaidy “Adyrna” ūlttyq portaly Zakon.kz saityna sılteme jasap.
QR Sifrlyq damu, innovasiialar jäne aeroǧaryş önerkäsıbı ministrlıgı QR Auyl şaruaşylyǧy ministrlıgımen bırlesıp, JTQ-ǧa jer uchaskesın aluǧa kezekke qoiu prosesın avtomattandyru mäselesın pysyqtady.
Būǧan deiın jeke tūrǧyn üi qūrylysyna jer uchaskesın alu kezegıne tūru üşın qazaqstandyqtar äkımdıkterge qaǧaz jüzınde ötınış tapsyratyn, onda kezek retınıŋ dūrys jürgızılmeu qauıpı bar edı. Ol kezde kezekke tūru prosesı 12 kün uaqyt alatyn edı. Būl ötınışter 16 jyl boiy audan, qala, oblys deŋgeiınde bölek-bölek saqtaldy.
Jaŋa jüienıŋ arqasynda qazaqstandyqtar kezekke tūryp, eGov.kz-te onyŋ jylju barysyn öz betınşe baqylap, jer kezegıne būdan būryn berılgen ötınıştıŋ derekterın özektendıre alady. Osylaişa, ärbır qazaqstandyq aluy tiıs 10 sotyq jerdı alu prosesı barynşa aşyq bolady. Al avtomatizasiia arqasynda būl proseske 5 minut qana jūmsalady.
Äkımdıkter bergen tızımdı bız sifrlandyryp, elektrondy formatqa auystyrdyq. Jer telımıne kezektı Sifrlandyru – sybailas jemqorlyqty joiu jäne jerdı igeru üderısınde jasalǧan ülken ılgerı qadam. Endı kämelet jasyna tolǧan ärbır qazaqstandyq üiden şyqpai-aq, 10 sotyq jerge eGov.kz arqyly ötınım bere alady. Taǧy bır jaŋaşyldyq – endı taŋdaǧan aimaqtyŋ äkımdıgıne barmai-aq, elımızdıŋ kez kelgen öŋırınen jer telımıne ötınım beruge bolady, – dep tüsındırdı QR Sifrlyq damu, innovasiialar jäne aeroǧaryş önerkäsıbı vise-ministrı Äset Tūrysov.
Qyzmettı paidalanu üşın eGov.kz portalyna kırıp, «Jyljymaityn mülık» – «Jer qatynastary» bölımınen «Jeke tūrǧyn üi qūrylysyna jer uchaskesın (10 sotyq jer) aluǧa kezektı qarau nemese kezekke tūru» qyzmetın taŋdau qajet.
Ärı qarai ötınış türın taŋdau kerek. Bügınde portalda ötınıştıŋ üş türı bar:
- kezekke qoiu;
- derekterdı özektendıru;
- kezekten şyǧaru.
Eger sız jer uchaskesın alu üşın kezekke alǧaş ret ötınış bıldırıp tūrsaŋyz, onda özıŋız jer aludy qalaityn aimaqty taŋdaisyz.
Eger sız būdan būryn jer kezegıne tūrǧan bolsaŋyz, bıraq ol turaly aqparat tappasaŋyz, onda «Özektendıru» ötınış türın taŋdauyŋyz qajet.
Kezek alǧanyŋyzdy rastau üşın qolyŋyzda bar qūjatty (talonnyŋ skan-nūsqasy, ötınıştıŋ, jeke kuälıktıŋ jäne t.b. köşırmelerı) jükteu qajet. Sondai-aq kezek retın www.map.gov4c.kz/egkn/ saitynda ESQ arqyly avtorizasiiadan ötıp, baqylap otyruǧa bolady.
Būdan būryn alǧan jer kezegınen bas tartu üşın «Şyǧaru» ötınış türın taŋdau qajet.
Eger azamat būdan būryn memleketten tegın jer telımın alǧan bolsa nemese eldımekende JTQ üşın bos jer telımı bolmasa, jer kezegıne ötınış bere almaidy. Bos uchaskelerdı beru jönındegı şeşımdı äkımdıkter qabyldaidy. Uchaskeler alaŋdardyŋ daiyn boluyna qarai nemese eldımekennıŋ bas josparyna säikes, bos aumaqtar bolǧan jaǧdaida berıledı.
Eger būryn bır öŋırde jer telımıne kezekke tūrǧan bolsaŋyz, al qazır özge aimaqtan jer aluǧa niettenseŋız, 10 sotyqqa kezek retı erterek kelgen öŋırden jer bır ret qana berıletının, qalǧan ötınışterdıŋ küşı joiylatynyn eskeru qajet.
”Adyrna” ūlttyq portaly
