QR ŪǦA akademigı Bauyrjan Jūmahanūly Omarov alpys jasqa toldy, dep habarlaidy "Adyrna" saity. Būl turaly ärıptesı Serıkzat Düisenǧazy özınıŋ Facebook paraqşasynda jazyp, qūttyqtau tılegın bıldırdı.
"Bügın bızdıŋ Teleradio jäne qoǧammen bailanys kafedrasynyŋ professory, QR ŪǦA akademigı Bauyrjan Jūmahanūly Omarov alpys degen asqaraly jastyŋ asqaq şyŋyn baǧyndyryp otyr. Asqaq şyŋ dep otyrǧanym beker emes. «Seksen jasap segız söz qaldyrmaǧan» dep mūzbalaq Mūqaǧali aitqandai, alpys degenge ärkım keluı mümkın. Al bızdıŋ Bauyrjan aǧamyzdyŋ jönı bölek. Būl jasqa nardyŋ belın qaiystyratyn tolaǧai tabyspen jettı. Alaqandai Qaratereŋnen şyǧyp, qalyŋ qazaqtyŋ Bauyrjanyna ainaldy. Jurnalistikada qalamynyŋ ūşqyrlyǧymen oqyrmandy tamsandyrsa, ǧylymda ūstazy Zeinolla Qabdolovtyŋ ızın basyp akademik atandy. Memlekettık qyzmette de ūlttyq damuymyzǧa maŋyzdy mekemelerdı laiyqty basqardy. Onyŋ bärın tızetın bolsam bırneşe tom kıtap bolary anyq.Jalpy, Bauyrjan aǧany tanyǧanyma otyz jyldyŋ jüzı bolypty. Alǧaş Äl-Farabi atyndaǧy QazŪU-da ol aspirant men student bolyp jürgen kezde kezdesıp äŋgımelestık. Menıŋ aitysqa şyǧyp jürgenımdı estıgen aǧam özınıŋ student kezınde aitysqa qatysqanyn aityp, sol aitystyŋ qyzyq tūstaryn toqtamai jatqa soqqany esımde qalypty. Baukeŋnıŋ sözge tapqyrlyq şeberlıgıne, iumorǧa jüirıktıgıne qairan qalyp qaitqanym bar-tūǧyn. Keiın aǧamnyŋ ızın basyp men de «Zar zaman ädebietın» zerttei bastadym. Ol kısı Mūrat Möŋkeūlynyŋ şyǧarmaşylyǧynan kandidattyq dissertasiia qorǧady. Maǧan ǧylymi jetekşım, professor Tūrsynbek Käkışūly Dulat Babataiūlynyŋ şyǧarmaşylyǧyn zertteudı tapsyrdy. Būl taqyryp menı aǧama odan saiyn jaqyndatty. Kezdese qalsaq aǧamnyŋ köl-kösır bılımınen susyndap qaitamyn. Bauyrjan aǧa keiıngı jastarǧa jol körsetuden jalyqpaityn adam. «Aldyŋda aǧaŋ bolǧan qandai jaqsy!» degen öleŋ osyndai aǧalarǧa arnap şyqqan bolsa kerek.Baukeŋnıŋ dostary myqty. Bırge oqyǧan kurstastary Talǧat Batyrhan, Mūratbek Toqtaǧazin, dostary Amantai Şärıp, Dihan Qamzabekūly, Qydyrbek Rysbek, Erbol Tıleşov, t.b. ortasynda jäi adam jüre almaidy. Ol ortaǧa kıru üşın oqyǧan-toqyǧanyŋ, ǧylym men bılımge ülken daiyndyǧyŋ bolu kerek. Olar bas qosqanda dostyq äzılderınen bölek, äŋgıme ǧylymi seminarǧa ainalyp ketedı. Soǧan ılese alǧan adam ol ortaǧa sıŋedı.Bauyrjan aǧa ūly ūstazdary Z. Qabdolov, S. Qirabaev, S. Qasqabasovtar syndy soŋynda ülken mektep qalyptastyrǧan ǧalym. Şäkırtterı Mūhit Salqynbai, Aqjıgıt Älıbek, Töreälı Qydyr, t.b. qazırgı ädebiettanu, folklortanu, şyǧystanu salasyna olja salyp jürgen azamattar. Jurnalistka salasynda da bırneşe buyn şäkırtterı dissertasiialyq jūmystaryn qorǧap, ūstazdarynyŋ abyroiyn asyryp jür.Bauyrjan aǧanyŋ balalary da «äke körıp, oq jonǧan» myqtylar. Baqytjan Bauyrjanūly Türkiianyŋ ataqty TRT telearnasynda tılşı, telejürgızuşı boldy. Elge oralyp Qyzylorda oblysy äkımdıgınıŋ baspasöz salasyn basqardy. Däuren Bauyrjanūly da «Qazaqstan» TRK Qytai halyq Respublikasyndaǧy tılşısı boldy. Elge oralǧan soŋ «Almaty» telearnasynyŋ direktorynyŋ orynbasary bolyp taǧaiyndaldy. "Jurnalistika" salasy boiynşa QR «Daryn» Memlekettık syilyǧynyŋ laureaty. Aǧamyzdyŋ üş ūly bar. Barlyǧy elge abyroily azamattar.Qazır QR Prezidentınıŋ keŋesşısı degen biık lauazymdy atqaryp jürse de Bauyrjan aǧa sol baiaǧy qarapaiym qalpynan ajyramai, jastarǧa ülgı bolyp keledı. «Ǧylym künı» merekesınde ömırge kelgen aǧamdy «taltüsımen» qūttyqtai otyryp, akademik Serık Qirabaev ūstazynyŋ jetken jasynan asyp ketuıne tılektespın!" dep jazdy Serıkzat Maqsūtūly.
"Adyrna" ūlttyq portaly
