Almatyda bırneşe jobany qolǧa alǧan reseilık restorator Aleksandr Orlov otandyq mamandar turaly mälımdemesı jäne mekemelerınıŋ bırındegı sätsız prankımen qazaqstandyqtardyŋ aşuyn keltırdı, dep habarlaidy “Adyrna” ūlttyq portaly Orda.kz saityna sılteme jasap.
Künı keşe jaŋa mekemenıŋ aşyluynda Orlov keluşılermen sätsız äzıldestı. Adamdardy däm tatuǧa şaqyryp, artynşa olar mysyq etın jegenın mälımdegen. Olardyŋ yzalanuyna restorator «Ne boldy? Jylqy etın jeisızder ǧoi» dep jauap bergen. Bıraq mūnyŋ barlyǧy prank bolyp şyqty. Klientterdıŋ bırı tıptı aşuǧa boi aldyryp, oqiǧa ornyna polisiia şaqyrǧan.
Qoǧamdaǧy taǧy bır narazylyq tolqyny Orlovtyŋ äleumettık jelıde qazaqstandyqtardyŋ käsıbi deŋgeiın tömen baǧalaǧan jazbasy tudyrdy.
«Ortalyq Aziiada bılıktı kadrlardy tabu şynymen qiyn, olar tapşy. Sondyqtan osy aimaqtan bastaǧandarǧa keŋes: basqa elderden kadrlar äkelıŋız, äsırese basynda. Men bastaǧan kezde būl oŋai bolǧan joq. Bügınde Qazaqstanǧa adam äkelu äldeqaida oŋai» dep keŋes berdı ol.Ras, äleumettık jelıdegı qazaqstandyqtardyŋ narazylyǧynan keiın restorator qazaq tılınde qymyz, besbarmaq, qazy jaqsy köretının, «jan düniesınde özı qazaqpyn» degen jazba jazyp, aqtaluǧa asyqty. Alaida onyŋ jazyluşylary mūndai keşırım sūrauyna qanaǧattanbady.
«Bız şetelden kelgen tamaşa adamdarmyz, endı sızge, jergılıktı tūrǧyndarǧa jūmys ısteudı üiretemız» degen ūstanymy osydan 20 jyl būryn eskırgen. Endı Orlovtyŋ barlyq jobalary bır tünde jabylyp qalsa, Qazaqstannyŋ meiramhana naryǧynda sapaly qūldyrau bolmaityny sözsız. Orlov mekemelerıne Qazaqstanǧa eşqandai serpılıs ūsynylmady – būl basqa meiramhanalar siiaqty. Demek, Orlovtyŋ jergılıktı jerdegı jaqsy kadrlardy taba almauy – onyŋ kadrmen jūmys ısteudı bılmeuınıŋ nemese jai ǧana bırjaqty ūstanymynyŋ nätijesı» deidı Esımhanov.
«Ol keŋestık kezeŋnen bastau alady, ken oryndaryn belsendı igeru däuırınde jalǧasuda jäne türık, qytai kompaniialarynyŋ qyzmetımen bailanysty. Soŋǧy jyldary ǧana jaǧdai jaqsara bastady. Eger Orlov tym bolmasa, özı jūmys ısteitın jerdıŋ tarihyna qyzyqqan bolsa, ol Qazaqstanǧa şeteldık kadrlardy äkelu kerek dep jar salmaityn edı» dep tüiındedı ol.
”Adyrna” ūlttyq portaly
