Kezinde jer men salyq kodeksinde Marǵulan Seısenbaıdyń kásibine kerek ózgeristerdi engizip bergen Muhtar Taıjan «HARD-talk» baǵdarlamasyna suhbat berdi.
Jýrnalıstiń «Sol qyzmetińizge shamamen 390 myń dollar shamasynda gonorar aldy degen qaýeset tarady. Bul qanshalyqty ras? Jer qorǵany iri bıznesmenderdiń múddesin qorǵaıtyn partııaǵa aınalyp ketpeı me?» degen saýalyna M.Taıjan:
«Joq, biz bul jerde 448-bapqa ózgeris engizdik. Sebebi bul bap jemqorlyqqa óte tıimdi edi. Sondyqtan tek Marǵulannyń fırmasyna emes, túgel agrarlyq sektorlarǵa zııanyn tıgizýi múmkin edi. Tipti shyny kerek, ondaı erejeniń bar ekenin maǵan M.Seısenbaı aıtty. Ol kezde Marǵulan 300 mıllıon dollardy ınvestıııaǵa salypty. Barlyq kásiptiń damýyna bul bap kedergi bolatyn edi. Alaıda onyń ońaı jumys emes ekenin eskerttim. Árıne, kez kelgen jumysqa qarajat qajet. «Al sen ony qarjylandyrýǵa daıynsyń ba?» dep suradym. Ol «daıynmyn» dep jaýap berdi. Tek Marǵulan ǵana emes, agrarlyq sektorǵa qatysy bar kásipkerler maǵan alǵysyn bildirdi. Men bul jumysty jasyryn jasaǵan joqpyn, barlyǵyn jazyp otyrdym. Al qarajat týraly aıtsaq, men eshkimniń aqshasyn urlamadym, bıýdjetten bólingen qarajatqa qol salmadym, bul jeke bıznesmenderdiń arasyndaǵy kelisim boldy, — dep jaýap berdi.
“Adyrna” ulttyq portaly
