«Jaŋa Qazaqstandy eskı kırpışpen qalai alamyz ba?» — degen taqyryp töŋıregınde äŋgıme qozǧaǧan «HARD-talk» jobasynyŋ 3-şyǧarylymynda Mūhtar Taijan «Amanat» partiiasy qatysty oqiǧalarǧa pıkır bıldırdı, — dep habarlaidy “Adyrna” ūlttyq portaly Kznews.kz saityna sılteme jasap.
M.Taijan sūhbat barysynda atauy özgertılgen partiianyŋ sailaudaǧy jaǧdaiy, bäsekege qabılettılıgı, jemqorlyqpen küresı, bilık ökılderın jaqtaityn ädetı turaly sūraqtarǧa jauap berdı.
«Eger ädıl sailau bolsa, Amanat partiiasy jeŋıske jetpeidı, olar bäsekege qabılettı emes. Şynymen sailau öz erejelerıne sai ötse, onda būl partiia nebärı 10% dauys jinar edı. Sebebı halyqtyŋ köŋılı Nūr-otannan baiaǧyda qalyp qoiǧan. 30 jylda, ärine, paidasy da bolǧan şyǧar, alaida jamandyǧy basymyraq. Oilap qarasaŋyzdar, qazırgı taŋda Prezidenttık sailau turaly müldem söz qozǧalmaidy. Ondaǧy erejede el basşysynyŋ ornyna tek 5 jyl şeneunık bolǧan adam ǧana ümıtker bola alady. Endı qaraŋyz, jurnalist, ekonomist siiaqty maman ielerı būl turaly oilamasa da bolady. Endeşe Prezidenttık sailauǧa halyqtyŋ nebärı 1%-y ǧana tüse alady degen söz. Jemqorlyqpen küresetın adamnyŋ ekonomikadaǧy rölın azaitu kerek. Sebebı aqşa bar jerde jemqorlyq qosa jüredı. Prezidenttıŋ «Samūryq — Qazyna» kompaniiasy men «Bäiterek» holdingın qaldyruy — ülken qatelık. Būlar — jemqorlyqtyŋ naǧyz oşaǧy. Sebebı memlekettıŋ qarajaty sol ūiymda saqtalady. Olarǧa antikor tekserıs jürgıze almaidy. Amanat partiiasynyŋ sybailas jemqorlyqqa qarsy küres jürgızedı degenı ötırık äŋgıme. Ol menıŋ pıkırım emes, ol — aksioma. Jaǧympazdyq Amanat partiiasy üşın dästürge äldeqaşan ainalǧan. Partiianyŋ qazırgı müşelerı būrynǧy oryn alǧan keleŋsızdıkterdıŋ jauapkerşılıgınen qaşpauy kerek. Euraziialyq Odaqqa kıru — sol partiianyŋ şeşımı boldy. Endeşe jaŋadan kelgen müşelerı «bız būrynǧyny qalamaimyz, myna dünielerdı qūptamaimyz, ol üşın osyndai jaŋa qadamdar jasap jatyrmyz» dep barlyǧyn naqtylauy tiıs. Sızder älı künge deiın N.Ä.Nazarbaevty tarihi tūlǧa dep esepteisızder. Mäselen, Elbasyǧa qatysty zaŋdy öşırıp tastamaisyzdar. Oşanovqa jurnalister «Nege zaŋ küşın joimaidy?» -dep sūraq qoisa, ol «Nazarbaev — tarihi tūlǧa» dep jauap beredı. Gennadii, Cherchilder de tarihi tūlǧa bolǧanymen, olardyŋ otbasyna, bailyqtaryna qatysty naqty zaŋ qabyldanbady. Eger şynymen partiia beitarap saiasat ūstansa, onda basqa şeşımder qabyldaǧany jön. Sebebı Qazaqstanda da zaŋ aldynda barlyq otbasy teŋ boluy tiıs», — dedı Mūhtar Taijan.
“Adyrna” ūlttyq portaly
