Qostanai oblysy Lisakovsk qalalyq ışkı saiasat basqarmasynyŋ kämeletke tolmaǧan qyzdardy zorlady degen küdıkke ılıngen basşysy turaly BAQ betterınde türlı aqparat jariialanǧannan keiın onymen hat almasqan skrinşottaryn jıbergen qyzdar sany artty, dep habarlaidy “Adyrna” ūlttyq portaly Kazpravdaǧa sılteme jasap.
«NeMolchi.kz» qoǧamdyq qory öz akkauntynda küdıktımen sonau 2015 jyly Arqalyq qalasynyŋ äkımdıgınde jūmys ıstegen kezınen bastap tanysqan qyzdardyŋ skrinşottaryn jariialady.
Eske salaiyq, Qostanai oblysy Lisakovsk qalalyq ışkı saiasat bölımınıŋ basşysy kämeletke tolmaǧan qyzdardy zorlady degen küdıkke ılındı.
Dälelderge süiensek, er adam äleumettık jelıde qyzdarmen tanysyp, olarǧa “ǧaşyq” bolyp, jaqyn qarym-qatynas qūryp, özıne kezektı jaŋa qūrban ızdegen. Paraqşasynda ol özınıŋ naqty jasyn jasyryp, otbasylyq jaǧdaiy turaly jasyryn ūstaǧan. Negızı ol üilengen ärı balalary bar.
NeMolchi.kz qorynyŋ jetekşısı Dina Smailova Qazaqstan prezidentıne būl ıstı öz baqylauyna aluyn ötındı.
“Adyrna” ūlttyq portaly
