Pavlodarda qyzmettık qūjattar Pavlodar Polisiia basqarmasy därethanasyndaǧy qoqys jäşıgıne nege tüsıp ketkenı anyqtalyp jatyr. Is boiynşa qyzmettık tergeu bastaldy, - dep habarlaidy “Adyrna” ūlttyq portaly Tengrinews.kz saityna sılteme jasap.
Facebook-te almatylyq advokat Nazerke Rizabekova Pavlodar PB bırınıŋ därethana jäşıgınen ıs jürgızu qūjattaryn tapqanyn aitqan.
"Bırneşe ai būryn Pavlodar PB-daǧy tergeude boldym. Därethanada PB qyzmetkerlerınıŋ ıs jürgızu qūjattaryn paidalanyp jatqanyn kördım. Būl - jabaiylyq. Jaqsy, därethana qaǧazyna qatysty mäsele bar delık, bıraq sotaldy tergeu turaly aqparat jariia etılgenın ne ısteimız? Därethana qoǧamdyq oryn ǧoi", - deidı avtor.
Jazbaǧa Rizabekova A4 formatty myjylǧan paraqtar salynǧan därethana jäşıgınıŋ suretın jüktegen. Onda adamdardyŋ tegı, telefon nömırlerı, joǧalǧan kämeletke tolmaǧan balanyŋ ata-anasynyŋ derekterı aiqyn körınedı. Jylu batareiasynda qūjattyŋ taǧy bır paraǧy bar. Būl rette därethanada därethana qaǧazy joq.
"Pavlodar oblysynyŋ Polisiia departamentı men respublikanyŋ Işkı ıster ministrlıgınen osy PB-yn därethana qaǧazymen qamtamasyz etudı, osy qūjattardyŋ avtorlaryna qatysty qyzmettık tergeu jürgızudı, sotaldy tergeu derekterın jariia etkenı üşın tärtıptık jauapkerşılıkke tartudy sūraimyn", - dep jazdy advokat.
Pavlodar oblysynyŋ Polisiia departamentı ökılı jazbaǧa jauap berıp, oqiǧa boiynşa tergeu jürıp jatqanyn aitty.
"Osy derek boiynşa qyzmettık tergeu jürgızılıp jatyr. Nätijelerın qosymşa habarlaimyz", - dedı oblystyŋ Bas polisiia qyzmetkerı Vasilii Skliar.
Vedomstvo fotoda qūpiia qūjattar emes, qarapaiym anyqtamalar bar ekenın atap öttı. Bıraq būl jaramsyz qyzmettık qaǧazdardy därethanaǧa tastauǧa nemese olardy därethana qaǧazynyŋ ornyna paidalanuǧa şeşım qabyldaǧandardy aqtap ala almaidy. Barlyq qajetsız qūjat joiyluy kerek.
Qazır polisiia därethanalarda därethana qaǧazyna qatysty mäsele bolmauy kerek. Memlekettık satyp alular saitynyŋ mälımetınşe, biyl aqpannyŋ aiaǧynda oblystyq Polisiia departamentı ärqaisysynda tört oramnan 250 orama satyp alu boiynşa konkurs ötkızgen.
Onyŋ jyldyq jalpy qūny şirek million teŋgeden säl tömen bolǧan. Memlekettık satyp aludy ūiymdastyruşy oblystyq PD bastyǧynyŋ orynbasary Damir Sirazidimov bolǧan.
"Därethana qaǧazy qoldanuǧa yŋǧaily ärı jūmsaq", - delıngen tehnikalyq sipattamada. Osy portalda būǧan deiın memlekettık satyp alular 2020 jylǧy mamyr men şıldege josparlanǧany, bıraq ekı konkurs ötkızılmegenı aitylady.
“Adyrna” ūlttyq portaly
