Ükımet üiınde Premer-Ministr Älihan Smaiylovtyŋ töraǧalyǧymen Daǧdarysqa qarsy şaralar jönındegı jedel ştabtyŋ kezektı otyrysy öttı, dep habarlaidy primeminister.kz saity.
Otyrystyŋ kün tärtıbınde IT-salasyn qoldau jäne damytu mäselesı talqylandy.
Sifrlyq damu, innovasiialar jäne aeroǧaryş önerkäsıbı ministrı Baǧdat Musinnıŋ aituynşa, ministrlık qalyptasqan jaǧdaiǧa tūraqty negızde taldau jürgızıp jatyr jäne sarapşylar qauymdastyǧymen bırlesıp, otandyq aqparattyq tehnologiialar salasyn qoldau boiynşa bırqatar ūsynys äzırledı.
Atap aitqanda IT-mamandaryna äskeri qyzmettı keiınge qaldyru, otandyq IT-şeşımderdı engızu üşın jeŋıldıktı kredit beru, «Astana Hub»-ta eksaumaqtylyq qaǧidaty boiynşa salyq preferensiialarynyŋ qoldanyluyn 2029 jylǧa deiın ūzartu ūsynylady.
Qazaqstanda jūmys ısteuge qyzyǧuşylyq tanytatyn IT-mamandarynan kelıp tüsetın saualdarǧa jedel jauap beru üşın arnaiy jūmys toby qūryldy, onyŋ qūramyna «Astana Hub» halyqaralyq IT-startaptar tehnoparkınıŋ, «Azamattarǧa arnalǧan ükımet» KEAQ, Nūr-Sūltan jäne Almaty qalalary äkımdıkterınıŋ ökılderı kırdı.
Jūmys tobynyŋ qyzmetı aiasynda Qazaqstanǧa keluge müddelı kompaniialarmen qarym-qatynas jolǧa qoiylǧan.
Özektı aqparatty alu üşın elge kıru, tūru jäne kompaniia aşu turaly, sondai-aq IT-salasyn memlekettık qoldau şaralary turaly tolyq nūsqaulyqtary bar veb-sait qūryldy.
Äleumettık jelılerde qatysuşylar biznestı jürgızuge qatysty sūraqtarǧa şūǧyl türde jauap ala alatyn top qūryldy. IT-kompaniialardy köşıru kezınde qoldau körsetetın beiındı vedomstvolarmen jūmys retke keltırıldı.
Otyrysty qorytyndylai kele Ükımet basşysy Älihan Smaiylov müddelı memlekettık organdarmen atalǧan qoldau şaralaryn pysyqtaudy tapsyrdy.
“Adyrna” ūlttyq portaly
