Äl-Farabi atyndaǧy Qazaq ūlttyq universitetıne Europalyq Parlament delegasiiasy arnaiy saparmen keldı. Märtebelı meimandar QazŪU-dyŋ Basqarma Töraǧasy – Rektor Janseiıt Tüimebaev bastaǧan oqytuşy-professorlar qūramy jäne studentterımen kezdestı.
Europarlament ökılderı aldymen «Äl-Farabi» muzeiın aralap, qara şaŋyraq tarihyna qanyqty. Sonymen qatar qonaqtarǧa QazŪU janyndaǧy Pan Gi Mun institutynyŋ qyzmetı baiandalyp, oqu ornynyŋ damu jospary tanystyryldy.
Delegasiia qūramyna «Qazaqstan Respublikasy – Europalyq odaq» Parlamenttık yntymaqtastyq komitetındegı Europalyq Parlament delegasiiasynyŋ töraǧasy, Kölık jäne turizm komitetınıŋ 3-şı vise-töraǧasy Andris Ameriks (Latviia), elşı, QR EO ökıldıgınıŋ basşysy Kestutis Iаnkauskas, QR-EO Parlamenttık yntymaqtastyq komitetındegı Europalyq Parlament delegasiiasynyŋ müşesı, EP Syrtqy ıster komitetınıŋ müşesı Fransisko Millan-Mon (İspaniia) jäne basqa da ūiym müşelerı kırdı.
QazŪU-dyŋ Basqarma Töraǧasy – Rektor Janseiıt Tüimebaev qonaqtarǧa arnap söz söiledı. Ol 2010 jyldan bastap Qazaqstan Bolon prosesınıŋ tolyqqandy müşesı jäne Joǧary bılımnıŋ europalyq keŋıstıgınıŋ qatysuşysy märtebesıne ie ekenın atap öttı. Qazırgı uaqytta ol Bolon prosesınıŋ baqylau tobynyŋ teŋ töraǧasy bolyp tabylady.
QazŪU älemnıŋ 500-den astam üzdık jäne jetekşı universitetterımen yntymaqtastyqta, köptegen ırı halyqaralyq ūiymdardyŋ qūramyna kıredı jäne bılım beru baǧdarlamalary men ǧylymi baǧyttarynyŋ auqymy asa keŋ.
16 qosdiplomdy bılım beru baǧdarlamasy Euroodaqqa müşe 10 eldıŋ joǧary oqu oryndarymen bırlesıp ıske asyryluda. QazŪU-dyŋ segız fakultetı Euroodaq elderınıŋ 13 serıktes joǧary oqu ornymen yntymaqtastyq ornatqan. Universitette 92 bılım beru baǧdarlamasy aǧylşyn tılınde oqytylady.
Qara şaŋyraq Bırıkken Ūlttar Ūiymynyŋ «Akademiialyq yqpal etu» baǧdarlamasynyŋ tūraqtylyq jönındegı jahandyq haby retınde maqsatty türde jūmys ıstep, oqytuşy-professorlar qyzmetın internasionaldandyru jolymen ǧylymi-bılım beru baǧdarlamalarynyŋ deŋgeiın arttyruda.
QazŪU-da jekelegen europalyq eldermen yntymaqtastyq jönındegı ortalyqtar tabysty jūmys ısteude.
Rektor söz soŋynda: «Bız Qazaqstannyŋ Europalyq odaqpen halyqaralyq mädeni-bılım beru yntymaqtastyǧyn integrasiialau jäne damytuǧa asa müddelımız.
Osylaişa QazŪU europalyq eldermen ǧylymi zertteulerdı damytu salasyndaǧy yntymaqtastyqqa öz ülesın qosady», – dep, būl kezdesudıŋ özara yqpaldastyqty nyǧaita tüserıne zor senım bıldırdı.
Öz kezegınde QR-EO Parlamenttık yntymaqtastyq komitetındegı Europalyq Parlament delegasiiasynyŋ bırınşı vise-töraǧasy, EP Kölık jäne turizm komitetınıŋ 3-şı vise-töraǧasy Andris Ameriks:
«Bız ärtürlı elderden keldık, bıraq bärımız europalyqpyz. Bız bırlıkten ärtürlılıkke deiıngı bıregei prosesterdı bırge ötkızudemız, ortaq bıregeilıkke iemız. Bız europalyq ūlttardyŋ tereŋ tarihymen bölısıp, Euroodaq qaǧidalaryn Qazaqstanǧa jetkızu üşın keldık. Kürdelı geosaiasi ahualǧa qaramastan, negızgı qiyndyqtardy eŋsere alǧan elge barlyq jaqsylyqty tılegımız keldı. Sızderdıŋ elderıŋız azamattyq qoǧamda maŋyzdy röl atqaratyn mädenietaralyq dialog pen adam qūqyqtaryn qoldauǧa septıgın tigızedı dep ümıttenemız», – dep pıkır bıldırdı.
QR-EO Parlamenttık yntymaqtastyq komitetındegı Europarlament delegasiiasynyŋ müşesı Fransisko Millan-Mon jinalǧandarǧa, äsırese jastarǧa Europarlament qyzmetıne qyzyǧuşylyq tanytqany üşın alǧysyn bıldırdı. Ol öz sözınde Qazaqstan Respublikasynyŋ Prezidentı Q.Toqaev bastaǧan reformalardyŋ der kezınde qabyldanǧanyna toqtala kele, QazŪU jetıstıkterın joǧary baǧalady.
«Universitet şyǧystyŋ ūly ūstazy äl-Farabi mūrasyn saqtai bıldı, sonymen bırge bolaşaqqa senımmen qaraidy, sifrlandyru jūmystaryn jürgızude. Sız halyqaralyq universitettermen tyǧyz bailanys ornyqqany turaly, europalyq örkeniet qaǧidalary men BŪŪ qūndylyqtary jaiynda baiandadyŋyz. Ortalyq Aziiada ǧana emes, sonymen qatar Euroodaq elderıne de tanymal universitetke tolaǧai tabystar tıleimın», – degen lebızın jetkızdı.
Sondai-aq jüzdesuge QR Parlamentı Mäjılısınıŋ Halyqaralyq ıster, qorǧanys jäne qauıpsızdık komitetınıŋ töraiymy Aigül Qūspan qatysyp, Euroodaq jūmysyna körsetken qyzyǧuşylyq üşın alǧysyn jetkızdı.
Kezdesu barysynda student jastar sūraqtar qoiyp, delegasiia müşelerınen tūşymdy jauaptar aldy. Qatysuşylar özara yqpaldastyqtyŋ perspektivalyq baǧyttary turaly oi bölısıp, yntymaqtastyqtyŋ maŋyzdy mäselelerı boiynşa pıkır almasty.
Şara soŋynda qūrmettı qonaqtar studenttermen estelık suretke tüstı.
Äl-Farabi atyndaǧy QazŪU-dyŋ Baspasöz qyzmetı
