Qazaqstan Qorǧanys ministrlıgı biyl qarjylyq mäselelerge bailanysty äskeri parad ötkızbeitın boldy. Būl öte dūrys qadam dep esepteimız. Qazaqstan üşın 9-mamyr Jeŋıs künı emes. Būl resmi türde Ekınşı jahan soǧysy qūrbandaryn eske alu künıne ainalǧany jön bolmaq.
Qazaqstandaǧy reseişıl küşter būl künderı «Bessmertnyi polk» siiaqty şabaşty ūiymdastyrudy qolǧa alyp jatuy äbden mümkın. Mūndai psihoz ūlyderjavalyq şovinizm men imperiialyq astamşylyqtyŋ otyna mai qūiady. Byltyr ol Reseide onlain rejimde ötken. Biyl agressor memleket Ukrainaǧa qarsy basqynşylyq «äskeri operasiiasy» kezınde jeŋılıp jatqan tūsta äskeri psihoz äbden örşuı yqtimal. Bıraq qalai bolǧanda da Qazaqstanda «Bessmertnyi polk» aksiiasyna tosqauyl qoiyluy qajet.
Maidangerlerdı eske alamyz degen jeleumen sovet-german soǧysynda qaza tapqan ata-babalarynyŋ suretın töbesıne köterıp şeru ötkızu qazaq üşın tapqyrlyq emes. Būl SSSR-dı qalpyna keltırudı armandaǧan putlerlık bilıktıŋ ideologiialyq aila-şarǧysy.
Bız bolsaq mūsylman halyqpyz. Töbesıne suretın kötermek tügılı beiıtınıŋ basyna suret saluǧa tyiym salynǧan. Şariǧat joly boiynşa suretterdı töbege köterıp qūrmetteu būl – suretke tabynu. Al dınımızde Alladan basqaǧa tabynuşylyqty şirk deidı. Bızge eŋ keregı – 9 mamyrda meşıtterde, otbasylarynda maidanda qaza tapqan, soǧysta alǧan jaraqattarynan keiın qaitys bolǧan küllı maidangerlerge, äkelerımız ben atalarymyzǧa baǧyştalyp Qūran oqyluy. «Ölı razy bolmai, tırı baiymaidy» degenımız sol.
Qazaqstandaǧy separatistık piǧyldaǧylar qalǧyp otyrmaǧany taǧy anyq. Būrynǧy äskeri qyzmetker Quat Ahmetovtyŋ aituyna qaraǧanda «Bessmertnyi polk» aksiiasyn belsendı türde ūiymdastyruşylardyŋ bırı Almaty qalasyndaǧy Auǧan soǧysy ardagerlerı men mügedekterı ūiymdary üilestıru keŋesınıŋ töraǧasy Mūrat Äbdışükırov degen bıreu körınedı. 2019 jyly älgı osy aksiiamen 150 myŋ adam şyǧaramyn dep özeuregenı, artynan 130 myŋ adam şyǧardym degenı de este. Jalpy auǧan soǧysy ardagerlerı ūiymdary «Bessmertnyi polkke» bailanysty öz ūstanymdaryn aşyqtan aşyq jariialaityn kezı keldı. Halyq kımnıŋ kım ekenın bıluı kerek.
Al resmi oryndar keşegı SSSR-dıŋ imperiialyq astamşylyǧyn tu etken «Bessmertnyi polk» siiaqty aksiialardy remi toqtatqany, keşegı kolloborsionist vlasovşylardyŋ aiyrym belgısı georgiev lentasyn taǧuǧa resmi tyiym salǧany jön!
"Adyrna" ūlttyq portaly
