Keshe Chehııa astanasy Praga Dımash Qudaıbergenniń «ARNAU» estafetasyn qabyldady. DimashNews redakııasyna bergen suhbatynda ánshi kópten kútken jeke konerti jaıly aıtyp berdi, dep jazady "Adyrna" ulttyq portaly.
Chehııanyń júregindegi shoýdy jarqyn ári áserli aıaqtaǵan Dımash pandemııadan keıin jeke konertpen oralý – eshteńemen salystyrýǵa kelmeıtin keremet sezim týdyrǵanyn aıtty.
«Iá, pandemııanyń 2 jylynda ártúrli marapattar men festıvalderde óner kórsettim, biraq jeke konertpen oralý – múldem basqa emoııa. Atmosfera tanys, erekshe. Sondyqtan, árıne, barlyq Dears-qa maǵan kórsetken súıispenshiligi men qoldaýy úshin alǵys aıtqym keledi»,– deıdi ol.
– Osy ýaqyt ishinde jankúıerlermen baılanys úzildi me?
– Bul suraqqa jaýap berý óte qıyn. Tipti bólek bolsam da, men, árıne, Dears-tyń súıispenshiligi men qoldaýyn sezindim, biraq soǵan qaramastan azdaǵan qobaljý boldy. Alaıda, sahnaǵa shyqqan boıda barlyq ýaıymym áp-sátte seıildi. Bizdiń ótken konertterimiz pandemııaǵa baılanysty 2 jyl joǵaltqanymyzǵa qaramastan, Dears-pen baılanysymyz áli de kúshti ekenin kórsetti.
DimashAli shyǵarmashylyq ortalyǵynyń jetekshisi Qanat Aıtbaev 2 jyldan keıin konerttik atmosferaǵa oralý jáne konertterge daıyndyq qalaı ótkenin áńgimeledi.
«Ózderińiz biletindeı, 2020 jyly bastalǵan koronavırýs ınfekııasynyń pandemııasyna baılanysty biz týrdy toqtata turýǵa májbúr boldyq. Árıne, biz úshin ony qaıta jalǵastyrý – úlken baqyt. Dımashtyń kórermenderimen, shyǵarmashylyǵynyń jankúıerlerimen, sondaı-aq ártúrli elderdegi áriptesterimizben kezdeskenimizge qýanyshtymyz. Biz bir ujymbyz jáne árqaısymyz úshin erekshe baǵdarlamamen úlken qýanyshpen jumys jasaımyz. Emoııa óte kóp jáne onyń bári óte jaǵymdy, óıtkeni konertter – árqashan jaqsylyq pen birlikke shaqyratyn qural», – deıdi ol.
Sondaı-aq, Qanat Aıtbaev lokdaýnǵa qaramastan, Dımashtyń komandasy bir-birimen baılanysyn úzbeı, uıymshyl bola otyryp, jumysyn jalǵastyrǵanyn aıtty.
«Pandemııa bastalǵan sátten bastap biz tehnıkalyq jaǵynan da, shyǵarmashylyq jaǵynan da bir sekýndqa baılanysty joǵaltpadyq. Balalar bir-birimen únemi onlaın tildesip, beınebaılanys arqyly kóp jattyqty. Dýbaıdaǵy konertten eki apta buryn bizdiń shyǵarmashylyq komanda Nur-Sultanǵa ushyp, aldaǵy shoýǵa daıyndyqty bastady. Uzaq jáne óte muqııat daıyndaldyq, bul burynǵy arnaǵa tez enýge kómektesti» dep atap ótti prodıýser.
"Adyrna" ulttyq portaly
