Qulsary qalasynda aýdan ákimdigi ǵımaratynyń aldynda «TShO» JShS men jergilikti bılik ókilderine talaptar qoıylǵan beıbit mıtıng ótti, dep habarlaıdy “Adyrna” ulttyq portaly Aq Jaıyq portalyna silteme jasap.
Belsendiler aýdandyq ákimdikke aldyn ala ótinish berip, 500-ge jýyq adamnyń qatysýyna jáne uzaqtyǵy 2 saǵatqa deıin mıtıng ótkizýge ruqsat alǵan. Tańerteńnen ákimdiktiń ǵımaraty qasynda «jedel járdem», órt sóndirý kólikteri turdy. Polıııa jaǵdaıdy syrttaı baqylaýǵa aldy.
Mıtıng tańerteńgi saǵat 10.00-ge belgilendi. Adamdar alańǵa 9.00-den bastap jınala bastady. Uıymdastyrýshylar kelýshilerge «Baıtaq bolashaq» emblemasy men jasyl tústi lentany, sonymen birge tártip saqtaý jóninde eskertpe paraqshalaryn taratty. «Munaıdyń ıesi halyq», «Álem nazaryńdy Jylyoıǵa aýdar», «TShO Jylyoı halqyn ýlama. TShO tabıǵatty aıala», «Urpaqqa taza aýa. Jarqyn bolashaq», t.b. plakattar kóterip shyqty.
Aıta ketý kerek, buǵan deıin aýdanda ekologııalyq zardapty joıý, halyqqa áleýmettik-ekonomıkalyq qoldaý kórsetýdi talap etken eki jıyn ótkizildi.
Ekinshi jıynda «TShO» JShS bas dırektory Kevın LAION qatysyp, jınalǵadardyń muń-muqtajyn tyńdap, «Igilik» baǵdarlamasy negizinde jasalǵan jumystarǵa toqtaldy.Osydan keıin jergilikti belsendilerdiń pikiri ekige jaryldy. Aýdandyq máslıhattyń depýtattary men keıbir belsendiler beıbit mıtıngtiń qajet emestigin, oǵan qatyspaýǵa shaqyryp, áleýmettik jelide birneshe vıdeoúndeý joldady. Soǵan qaramastan alańǵa kóp adam jınaldy.
“Men alǵash Qulsaryǵa kelgende aýasynan basym aýyryp, jáısiz sezindim. Bul jerde ekologııalyq ahýal nashar, muny biz tikeleı TShO qyzmetimen baılanystyramyz. Budan basqa, osy jerden munaıymyzdy óndirip jatqandar Jylyoı aýdanynyń áleýmettik-ekonomıkalyq máselelerin sheshýge kóbirek qarjy salýy kerek dep esepteımiz. Biz búgingi jıynda aıtylǵan usynystar men talaptardy prezıdent Toqaevqa joldaımyz”, - dedi “Baıtaq Bolashaq” Ekologııalyq Alıans tóraǵasy Azamathan ÁMIRTAI.
Jergilikti turǵyndar da jumys joq ekenin, bolǵan kúnniń ózinde jalaqsy mardymsyz ekenin aıtady.
Bizde jumyssyzdar kóp, TShO jergilikti adamdardy jumysqa almaıdy. Jumysqa alsa da jalaqysy sheteldikten anaǵurlym az. TShO birinshi kezekte jergilikti turǵyndardy jumysqa alýy tıis. Aýdanda medıına damymaı qalǵan, dárigerler jetispeıdi, zamanýı úlgidegi jabdyqtar joq. Baspana, jol, kógaldandyrý máseleleri aqsap jatyr. Munaı baılyǵynyń qyzyǵyn qarapaıym halyq kórip otyrǵan joq”, – deıdi Daırabaı Eldesbaev, Raısa TELEÝǴALIEVA jáne t. b.
Eki saǵatqa sozylǵan mıtıng sońynda belsendiler TShO keńsesin aýdan ortalyǵyna kóshirý, aýdannyń 2023-2033 jyldarǵa arnalǵan ekonomıkalyq-áleýmettik baǵdarlamasyn jasaqtaý talabymen Qazaqstan prezıdenti Q.Toqaevqa shyǵýdy uıǵardy.
”Adyrna” ulttyq portaly
