Qūlsary qalasynda audan äkımdıgı ǧimaratynyŋ aldynda «TŞO» JŞS men jergılıktı bilık ökılderıne talaptar qoiylǧan beibıt miting öttı, dep habarlaidy “Adyrna” ūlttyq portaly Aq Jaiyq portalyna sılteme jasap.
Belsendıler audandyq äkımdıkke aldyn ala ötınış berıp, 500-ge juyq adamnyŋ qatysuyna jäne ūzaqtyǧy 2 saǧatqa deiın miting ötkızuge rūqsat alǧan. Taŋerteŋnen äkımdıktıŋ ǧimaraty qasynda «jedel järdem», ört söndıru kölıkterı tūrdy. Polisiia jaǧdaidy syrttai baqylauǧa aldy.
Miting taŋerteŋgı saǧat 10.00-ge belgılendı. Adamdar alaŋǧa 9.00-den bastap jinala bastady. Ūiymdastyruşylar keluşılerge «Baitaq bolaşaq» emblemasy men jasyl tüstı lentany, sonymen bırge tärtıp saqtau jönınde eskertpe paraqşalaryn taratty. «Mūnaidyŋ iesı halyq», «Älem nazaryŋdy Jylyoiǧa audar», «TŞO Jylyoi halqyn ulama. TŞO tabiǧatty aiala», «Ūrpaqqa taza aua. Jarqyn bolaşaq», t.b. plakattar köterıp şyqty.
Aita ketu kerek, būǧan deiın audanda ekologiialyq zardapty joiu, halyqqa äleumettık-ekonomikalyq qoldau körsetudı talap etken ekı jiyn ötkızıldı.
Ekınşı jiynda «TŞO» JŞS bas direktory Kevin LAION qatysyp, jinalǧadardyŋ mūŋ-mūqtajyn tyŋdap, «İgılık» baǧdarlamasy negızınde jasalǧan jūmystarǧa toqtaldy.Osydan keiın jergılıktı belsendılerdıŋ pıkırı ekıge jaryldy. Audandyq mäslihattyŋ deputattary men keibır belsendıler beibıt mitingtıŋ qajet emestıgın, oǧan qatyspauǧa şaqyryp, äleumettık jelıde bırneşe videoündeu joldady. Soǧan qaramastan alaŋǧa köp adam jinaldy.
“Men alǧaş Qūlsaryǧa kelgende auasynan basym auyryp, jäisız sezındım. Būl jerde ekologiialyq ahual naşar, mūny bız tıkelei TŞO qyzmetımen bailanystyramyz. Būdan basqa, osy jerden mūnaiymyzdy öndırıp jatqandar Jylyoi audanynyŋ äleumettık-ekonomikalyq mäselelerın şeşuge köbırek qarjy saluy kerek dep esepteimız. Bız bügıngı jiynda aitylǧan ūsynystar men talaptardy prezident Toqaevqa joldaimyz”, - dedı “Baitaq Bolaşaq” Ekologiialyq Alians töraǧasy Azamathan ÄMIRTAI.Jergılıktı tūrǧyndar da jūmys joq ekenın, bolǧan künnıŋ özınde jalaqsy mardymsyz ekenın aitady.
Bızde jūmyssyzdar köp, TŞO jergılıktı adamdardy jūmysqa almaidy. Jūmysqa alsa da jalaqysy şeteldıkten anaǧūrlym az. TŞO bırınşı kezekte jergılıktı tūrǧyndardy jūmysqa aluy tiıs. Audanda medisina damymai qalǧan, därıgerler jetıspeidı, zamanui ülgıdegı jabdyqtar joq. Baspana, jol, kögaldandyru mäselelerı aqsap jatyr. Mūnai bailyǧynyŋ qyzyǧyn qarapaiym halyq körıp otyrǧan joq”, – deidı Dairabai Eldesbaev, Raisa TELEUǦALİEVA jäne t. b.Ekı saǧatqa sozylǧan miting soŋynda belsendıler TŞO keŋsesın audan ortalyǧyna köşıru, audannyŋ 2023-2033 jyldarǧa arnalǧan ekonomikalyq-äleumettık baǧdarlamasyn jasaqtau talabymen Qazaqstan prezidentı Q.Toqaevqa şyǧudy ūiǧardy.
”Adyrna” ūlttyq portaly
